ТР башкаласы белән аэропорт арасында 14 декабрьдә өстәмә электричкалар эшләтеп җибәрәчәкләр

Бу «Казан Экспо»да чара үткәрелү белән бәйле

Шимбә көнне, 14 декабрьдә, Татарстан башкаласыннан аэропортка өстәмә шәһәр яны поездлары җибәреләчәк. Бу «Казан Экспо»да спектакль үткәрү белән бәйле.

7602 нче номерлы электричка Казан станциясеннән 18:04 тә китәчәк һәм Аэропорт станциясенә 18:24 тә киләчәк. Кире юнәлештә пассажирлар 7603 нче номерлы электричка белән 22:15 тә китәргә мөмкин. Татарстан башкаласында ул 22:35 тә булачак.

Поездлар арадаш тукталышларсыз булачак, дип хәбәр иттеләр «Содружество» АҖ матбугат хезмәтендә.

Барлык маршрутлар буенча җентекле мәгълүматны шәһәр яны пассажир компаниясе сайтында, «Россия тимер юллары. Пассажирлар» мобиль кушымтасында яисә телефон аша белергә була: +7(937)625-04-33 (шалтыратулар тәүлек буе кабул ителә).

Шулай ук укыгыз

Барлык яңалыклар