Казан белән Ташкент арасында дәүләтара автобус маршруты эшли башлады

Казан белән Ташкент арасында дәүләтара автобус маршруты эшли башлады

<p> (Казан шәһәре KZN.RU 27-нче ноябрь). Казан белән Ташкент арасында дәүләтара автобус маршруты эшли башлады. Маршрутның озынлыгы - 2,6 мең километр, юл вакыты - 43 сәгать.<br> </p> <p> Казаннан беренче автобус Ташкентка 23 ноябрьдә килде. Татарстан Республикасының Үзбәкстан Республикасындагы вәкиллеге мәгълүматларына караганда, рейслар атнага ике тапкыр – сишәмбе һәм җомга көннәрендә башкарылачак. Пассажирларга уңайлы Уutong Кытай автобуслары хезмәт күрсәтәчәк. </p> <p> Үзбәкстан, Россия һәм Казахстан арасындагы килешү нигезендә, автобус рейсы пассажирлары Үзбәкстан-Казахстан һәм Казахстан-Россия чикләрендә өч контроль-үткәрү пункты аша өстенлекле тәртиптә узачак. </p> <p> «Транспорт дөньясы» Татарстан компаниясе җитәкчелеге – Казан - Ташкент автобус рейсларын ташучы вәкаләтле вәкил сүзләренә караганда, киләчәктә алар Үзбәкстанның башка шәһәрләренә дә шундый маршрутларны эшләтеп җибәрергә ниятли. </p> <p> Россия белән Үзбәкстан арасында яңа маршрут икенчесе булды. Бу елның сентябрь уртасыннан автобуслар Ташкент белән Түбән Новгород арасында йөри. </p>

2018-11-27T11:05:00+0300