Казан һәм Шанхай арасында туры авиарейслар булдырачаклар

Казан һәм Шанхай арасында туры авиарейслар булдырачаклар

<p> Казан һәм Шанхайны туры авиарейслар тоташтырачак. Очышларда China Eastern Кытай компаниясе хезмәт күрсәтәчәк. </p> <p> Рәсәйнең туроператорлар ассоциациясе хәбәр итүенчә, рейслар 28 нче сентябрьдән старт алачак. Алар атнага өч тапкыр: сишәмбе, пәнҗешәмбе һәм шимбә көннәрендә булачак. График 27 нче октябрьгә кадәр төзелгән (җәйге җәдвәл). </p> <p> ТР башкаласыннан Шанхайга очышлар кич белән – 20:00 сәгатьтә, ә Кытайга килеп җитү җирле вакыт белән 9:00 сәгатькә планлаштырылган. Шанхайдан китү 12:30 сәгатькә билгеләнгән, Казанда очкыч 17:00 сәгатьтә булачак. </p> <p> Исегезгә төшерәбез, ТР башкаласыннан Ереванга яңа авиарейслар <a target="_blank" href="https://kzn.ru/meriya/press-tsentr/novosti/iz-kazani-v-erevan-zapustyat-novye-aviareysy/">җибәрәчәкләр</a>. Очышлар 9 нчы августтан һәр җомга саен булачак. </p>

2024-07-18T13:15:00+0300