Илсур Метшин Россия Эчке эшләр министрлыгының Казан буенча идарәсенең яңа башлыгын тәкъдим итте

Ул полиция полковнигы Надир Закиров булды.

Фото: Марат Мөгыйнов

(Казан шәһәре KZN.RU, 30 нчы май). Казан Мэры Илсур Метшин шәһәр Башкарма комитетында узган эшлекле дүшәмбе киңәшмәсендә Россия Эчке эшләр министрлыгының Казан буенча идарәсенең яңа башлыгы, полиция полковнигы Надир Закировны тәкъдим итте.

Илсур Метшин яңа җитәкченең бай тәҗрибәсен билгеләп үтте: «Надир Дамир улы эчке эшләр министрлыгында зур хезмәт юлы узган. Хезмәт юлын Казанда башлаган, җинаятьчеләрне эзләү бүлегендә эшләгән һәм республика шәһәрләрендә, шул исәптән Лениногорск һәм Яр Чаллы шәһәрләрендә полиция бүлекләрен җитәкләгән. Яңа урында уңышлы эшләү өчен барысы да бар».

Элегрәк Россия Эчке эшләр министрлыгының Казан буенча идарәсе башлыгы вазыйфасын башкарган полковник Александр Мищихин Татарстан Республикасы буенча Эчке эшләр министрлыгының полиция башлыгы урынбасары вазыйфасына билгеләнде. «Чираттагы җитәкче Татарстан Республикасы буенча Эчке эшләр министрлыгы полиция башлыгы вазыйфасына кадәр үсте. Алдагы елларда Россия Эчке эшләр министрлыгының Казан буенча идарәсе башлыгы булган һәр кеше турында рәхмәт сүзләре белән искә алабыз», – дип билгеләде Мэр.

Узган атнада Казан Мэры Эчке эшләр министрлыгы хезмәткәрләренә Надир Закировны тәкъдим итүдә катнашты.

Белешмә

Закиров Надир Дамир улы Татарстанның Арча районында 1970 елда туган. Казан дәүләт университетын һәм Россия Эчке эшләр министрлыгының Казан юридик институтын тәмамлаган. Эчке эшләр органнарында хезмәтен 1992 елдан Казан шәһәре Идел буе районы эчке эшләр идарәсенең балигъ булмаганнар эшләре буенча инспекторы вазыйфасыннан башлый. Төрле елларда дежур часть начальнигы, штаб начальнигы, милиция бүлеге начальнигы, җинаятьчеләрне эзләү бүлеге начальнигы урынбасары вазыйфаларын башкара.

2015 елда җәмәгать тәртибен саклауны оештыру һәм Татарстан Республикасы башкарма хакимияте органнары һәм Татарстан Республикасы буенча Эчке эшләр министрлыгының җирле үзидарә органнары белән хезмәттәшлек итү идарәсе башлыгы итеп билгеләнә.

2016 елда Россия Эчке эшләр министрлыгының Чаллы буенча идарәсе башлыгы итеп билгеләнә.

I, II, III дәрәҗә «Хезмәттәге казанышлары өчен», «Хезмәттәге батырлыгы өчен», «Җәмәгать тәртибен саклаудагы казанышлары өчен» Россия Эчке эшләр министрлыгы медальләре белән бүләкләнгән.

Өйләнгән, ул тәрбияли.