«Метроэлектротранс» предприятиесе «Бакчалар» борылыш боҗрасында торгызу эшләрен тәмамлады

1,5 ай эчендә эшчеләр 68 шпалны алмаштырган һәм 21 юл тягасы урнаштырган.

Фото: Денис Гордийко

(Казан шәһәре KZN.RU, 17 нче август). «Метроэлектротранс» Казандагы «Бакчалар» борылыш боҗрасында торгызу эшләрен тәмамлады, тиздән трамвайларны тоткарлау вакыты кыскарачак һәм транспортның өзлексез хәрәкәте тәэмин ителәчәк.

Участоктагы эшләр июль башында башланды. 1,5 ай эчендә белгечләр гомуми озынлыгы 8 метр һәм 68 шпал булган рельсларны алыштырдылар, 21 юл тягасы сузылды һәм 4 метр озынлыктагы рельслар колеясының киңлеген үзгәртү эшләрен башкардылар. Моннан тыш, юл хуҗалыгы хезмәткәрләре стыкларны накладкаларга җыйдылар, электртоташтыргычларны эретеп ябыштырдылар, стрелка күчермәләрен тикшерделәр. Барлык эшләрне тәмамлаганнан соң, боҗрада вак таш салу, рихтовка, күтәртү һәм төзәтү эшләре башкарылды.

Төп эшләрне башкару алдыннан энергия хуҗалыгы хезмәте әзерлек үткәрде: эшчеләр 7 терәк һәм 150 метр озынлыктагы элемтә чыбыгын монтажлады, шулай ук трамвай-троллейбус кисешкән урыннарны җиһазладылар.

Эшләр тәмамланганнан соң, участокта сынау уздыру өчен вагон эшләтеп җибәрелде, дип хәбәр ителә «Метроэлектротранс» МУП үзенең Telegram-каналында.
Бүгенге көндә «Бакчалар» боҗрасы файдалануга тапшырылган, ул 4 нче маршрут трамвайлары борылышы һәм маневрлар башкару өчен кулланылачак.

Шулай ук укыгыз

Барлык яңалыклар