«Метроэлектротранс» 80 миллион диярлек кеше ташыган – предприятие өчен бу яңа рекорд

«Метроэлектротранс» 80 миллион диярлек кеше ташыган – предприятие өчен бу яңа рекорд

<p> Быел Казанда 79 млн 963 мең кеше «Метроэлектротранс» МУП хезмәтләреннән файдаланган. Учреждениедә хәбәр итүләренчә, бүген метро, троллейбус һәм трамвайларда ташулар саны буенча яңа рекорд куелачак. </p> <p> Хәзер метрополитенда реаль вакыт режимында пассажирлар агымы күзәтелә. 15:00 сәгатьтән соң станцияләрнең берсендә «Метроэлектротранс» хезмәткәрләре сиксән миллионынчы пассажирны каршы алачак һәм предприятиедән махсус бүләк тапшырачак. </p> <p> 2024 елда метрополитен хезмәтләреннән файдаланган гражданнар саны 11% ка диярлек арткан. Хәзер пик сәгатьләрендә линиядә 11 поезд эшли, шуның хисабына хәрәкәт интервалын биш минутка кадәр кыскартырга мөмкин булды. </p> <p> Исегезгә төшерәбез, 2023 ел дәвамында предприятие 77 млн 161 мең 910 кеше ташыган, бу 2022 елга караганда 14% ка күбрәк. </p> <p>   </p>

2024-12-28T12:05:48+0300