Метеорологлар Татарстанда яшәүчеләрне көчле салкынннар килү турында кисәтә

Һава температурасының уртача тәүлек нормасыннан 5-9 градуска түбәнрәк булуы көтелә.

(Казан шәһәре KZN.RU, 22-нче февраль). Киләчәк төнне Казанда 24 градуска кадәр салкын була, ә 26-нчы февральдән Татарстанда көчле салкыннар көтелә.

Киләчәк төнне терекөмеш баганалары минус 18-20 градуска кадәр төшәчәк, аяз вакытларда - минус 24-кә кадәр. 23-нче февраль көнне көндез минус 11-13 градус булуы көтелә. Тәүлек барышында урыны белән кар явып узачак, иртән һәм төнлә кайбер районнарда — томан. Юлларда бозлавык.

Тулаем алганда, Татарстанда көчле салкыннар бүген төнлә башланачак — һава температурасы 17-22 градуска кадәр төшәчәк, аяз вакытларда — минус 27 градуска кадәр. Ватанны саклаучылар көнен республикада яшәүчеләр минус 10-15 градус белән каршы алалар. 24-25-нче февральдә төнлә - минус 19-24 градус, урыны белән минус 30-га кадәр булуы көтелә, ә көндез температура минус 12-17 градустан югары булмаячак.

26-28-нче февральдә республика территориясендә салкын һава торышы сакланачак, дип хәбәр ителә ТР Гидрометеорология һәм әйләнә-тирә мохитне саклау идарәсенең нотык-консультациясендә.

Шулай ук укыгыз

Барлык яңалыклар