Казанлыларга синоптиклар күз күреме начарлану белән буран, көчле җил һәм бозлавык фаразлый

Казанлыларга синоптиклар күз күреме начарлану белән буран, көчле җил һәм бозлавык фаразлый

<p> </p> <div class="detail-picture"> <img src="https://kzn.ru/upload/iblock/3bd/DEN_6234.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 4-нче март). Синоптиклар казанлыларны начар һава шартлары турында кисәтә. 5-нче мартка каршы төндә урыны белән күз күреме начарлану белән буран һәм тизлеге секундына 15-18 метрга җитүче көчле җил булыр дип көтелә. </p> <p> Алдагы төндә Казанда һава температурасы 7-9 градуска кадәр төшәчәк, аязганда – минус 14-ка кадәр. Көндез күбесенчә явым-төшемсез булачак, һава температурасы 3-5 градус салкын тәшкил итәчәк. </p> <p> Тулаем республика буенча кар явачак, көндез урыны белән көньяк-көнчыгышта, төнлә – буран. Төнлә һава температурасы 5-10 градустан түбәнрәк, аязган вакытта минус 15 градуска кадәр, көндез 2-7 градустан түбәнрәк булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p> <p> Белгечләр машина йөртүчеләрне юлларда игътибарлы һәм сак булырга өндиләр һәм катлаулы метеорологик шартларда максималь рөхсәт ителгән хәрәкәт тизлеген түгел, ә куркынычсызын сайларга кирәк, дип искәртә. Каршы як полосага чыгу белән бәйле куркыныч маневрлардан тыелырга кирәк. </p> <p> Җәяүлеләргә дә сак булырга кирәк: юлны транспорт чараларының туктап бетүенә инанган хәлдә генә, җәяүлеләр кичүеннән һәм светофорның рөхсәт итә торган сигналына гына чыгарга кирәк. Штаттан тыш хәлләр килеп чыккан очракта, юлда: +7(843)533-38-88 телефон номеры буенча мөрәҗәгать итәргә мөмкин, дип хәбәр итә ТР буенча Эчке эшләр министрлыгының Дәүләт автоинспекциясе. </p>

2021-03-04T16:28:03+0300