Казанда күз күреме начарлану белән буран һәм юеш кар көтелә

Төнлә һәм көндез юлларда урыны белән бозлавык.

Фото: Казан шәһәре KZN.RU

(Казан шәһәре KZN.RU, 10-нчы ноябрь). 11-нче ноябрьдә синоптиклар Татарстанда һәм аның башкаласында кар, юеш кар, күз күреме 1-2 км га кадәр начараю белән кыска вакытлы буран, тизлеге секундына 15-17 метрга кадәр көчәюче җил, төнлә һәм көндез юлларда бозлавык көтелә дип фаразлый.

Казанда һава температурасы алдагы төндә -5-тән -7 градуска кадәр, 11-нче ноябрь көндез -1-дән алып -3 градуска кадәр булачак.

Тулаем республика буенча төнлә һәм иртән һаваның минималь температурасы -3-тән -8 градуска кадәр, Татарстанның көнчыгыш районнарында – 11 градуска кадәр, көндез 0-дән -5 градуска кадәр тәшкил итәчәк, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Россия Гадәттән тыш хәлләр министрлыгының Татарстан Республикасы буенча баш идарәсе татарстанлыларга, көчле җил булганда, биналардан чыкмаска һәм балаларны күзәтүсез калдырмаска, шулай ук тәрәзәләрне ябарга, балконнардан тышкы якка егылып төшәргә мөмкин булган предметларны алып куярга киңәш итә. Көчле җилдән йорт диварлары, тукталышлар һәм төзелеп бетмәгән биналар янында качарга киңәш ителми, чөнки түбәләрдән шифер һәм башка түбә материаллары төшүе ихтимал. Урамда реклама щитларыннан, элмә такталардан, юл билгеләреннән, электр тапшыру линияләреннән ераграк торырга киңәш ителә.

Бозлавык вакытында машина йөртүчеләргә машиналар арасындагы дистанцияне арттырырга, кинәт туктап калудан баш тартырга кирәк. Туктаган очракта ерактан күренә торган жилет кулланырга кирәк. Җәяүлеләргә юлларны чыкканда юл хәрәкәте кагыйдәләрен бозмаска, кирәк булган очракта транспорт агымына таба хәрәкәт итәргә һәм ерактан күренә торган жилет яки яктылыкны кире кайтара торган кием элементларын кулланырга киңәш ителә.

Шулай ук укыгыз

Барлык яңалыклар