Казан Мэриясе Ефим Аронович Эстринның туганнары һәм якыннарының кайгысын уртаклаша

Бөек Ватан сугышы ветераны 95-нче яшендә вафат була.

(Казан шәһәре KZN.RU, 16-нчы ноябрь). 95-нче яшендә Бөек Ватан сугышы ветераны Ефим Аронович Эстрин вафат була.

Ефим Эстрин 1923 елның 23 сентябрендә Смоленск өлкәсе Монастырщина бистәсендә туа. Аңа 7 яшь вакытында гаилә Сталинградка күчә, биредә ул мәктәпне тәмамлый һәм соңрак Тышкы эшләр министрлыгы өчен кадрлар әзерләгән Ленинград университетының махсус бүлегенә укырга керә.

Сугыш башлангач, Ефим Аронович үз теләге белән фронтка китә. Сугыш елларында Эстрин Калинин, 1-нче Прибалтика, Белорус һәм 1-нче Украина фронтларында сугыша, шулай ук Брелинны штурмлауда катнаша. Сугышны ул Чехословакиядә капитан званиесендә тәмамлый.

Ефим Аронович – күп кенә сугыш бүләкләре иясе. Ул Александр Невский ордены, ике Кызыл Йолдыз ордены, 1-нче дәрәҗәле Ватан Сугышы ордены, “Сталинград оборонасы өчен”, “Берлинны алу өчен”, “Праганы азат итү өчен” медальләре һәм башка бүләкләр белән билгеләнгән.

Казанга ул яралы вакытында эләгә. Сугыштан соң Ефим Аронович Казанда кала һәм Казан дәүләт университетының юридик факультетыны тәмамлый. Шуннан соң гомер буе ул Совет районы һәм шәһәр тормышында актив катнаша. Ефим Аронович тормышын яшьләргә патриотик тәрбия бирүгә багышлый.

Казан Мэриясе Ефим Аронович Эстрин вафаты уңаеннан аның туганнары һәм якыннарының тирән кайгысын уртаклаша.

Шулай ук укыгыз

Барлык яңалыклар