Казан мэриясе Альберт Комяковның туганнарының һәм якыннарының кайгысын уртаклаша

Шәһәр администрациясе аның вакытсыз вафат булуы сәбәпле югалту ачысын уртаклаша

Казан шәһәре мэриясе «Бөек Ватан сугышы ветераннары – блокададагы герой-шәһәр Ленинград халкы» Казан шәһәре иҗтимагый оешмасы җитәкчесе Альберт Комяковның вафаты уңаеннан аның туганнарының һәм якыннарының кайгысын уртаклаша.

Альберт Павлович тарихи дөреслекне һәм блокадачыларның батырлыгы турындагы хәтерне саклауга бәяләп бетергесез өлеш кертте. Ул тормыш ныклыгы һәм халкыбызның батырлыгы турындагы истәлекне саклау эшенә тугрылыгы белән аерылып торды.

Яхшы күңелле һәм намуслы Альберт Павлович турындагы якты истәлек аны белгән һәркемнең күңелендә мәңгегә сакланыр.

Шулай ук укыгыз

Барлык яңалыклар