Яңалыклар
09.09.2022, 16:55
Казан Мэриясе хезмәт күрсәтү өлкәсе белгечләре өчен бушлай татар теле курслары уздырачак
Белем бирү программасы бер сәгать дәвам иткән 12 дәресне үз эченә ала.
Фото: Марат Мөгыйнов
(Казан шәһәре KZN.RU, 9 нчы сентябрь). Октябрь аенда Казан Мэриясе хезмәт күрсәтү өлкәсе – кунакханә бизнесы, җәмәгать туклануы, сәүдә оешмалары һ.б. хезмәткәрләре өчен бушлай татар теле курслары уздырачак.
Дәресләр телне яңа өйрәнә башлаучылар һәм дәвам итүчеләр өчен ике төркемдә үткәреләчәк. Белем бирү программасы үз эченә 12 дәресне ала, аларда төп грамматика һәм сөйләм нигезләре өйрәнеләчәк. Бер сәгатькә сузылачак дәресләрне Казан мәктәпләренең профессиональ педагоглары үткәрәчәк. Укулар тәмамлангач, укучылар тиешле таныклыклар алачаклар.
Курсларга язылу өчен сылтама буенча теркәлергә кирәк. Тулырак мәгълүматны +7(843)299-15-90 телефоны буенча белергә була.
ТР башкаласы Мэриясе беренче тапкыр татар теле буенча түләүсез курсларны 2021 елда оештырды. Ресторан бизнесы, җәмәгать туклануы һәм сәүдә оешмалары хезмәткәрләре өчен дәресләр Туган телләр һәм халыклар бердәмлеге елы кысаларында узды.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
