Казан Мэры Юныс Әхмәтҗанов юлындагы мәктәп төзелешен карап кайтты

Казан Мэры Юныс Әхмәтҗанов юлындагы мәктәп төзелешен карап кайтты

<p> <img src="https://www.kzn.ru/upload/iblock/a51/MMB_0420.jpg"><br> </p> <p> <span style="color: #3d3d3d;">(Казан шәһәре KZN.RU, 10-нчы апрель, Ксения Швецова). Бүген Казан Мэры Илсур Метшин Юныс Әхмәтҗанов юлында урнашкан «Арт-Сити» торак комплексындагы мәктәп төзелешен карап кайтты. 1,5 мең урынга исәпләнгән мәктәптә ике бассейнлы заманча белем бирү үзәге, спорт заллары һәм балаларны үстерү өчен кирәкле барлык җиһазлар булачак. Шәһәр башлыгы төзелә торган бинаны карады һәм, уку йортлары төзелеше зур темплар белән алып барылуга карамастан, аларга һаман да ихтыяҗ бар, чөнки балалар саны арта бара, дип билгеләде.</span> </p> <p> <b><span style="color: #222222;">Мәктәп типик проект буенча икенче бассейн өчен блокны киңәйтеп төзелә</span></b> </p> <p> <span style="color: #3d3d3d;">Шәһәрдә 1501 урынга исәпләнгән иң зур мәктәпләрнең берсен төзү узган елның декабрендә федераль максатчан программа буенча башланган. Ул укучыларны бер сменада укытуга исәпләнгән. 3 катлы бинаның гомуми мәйданы 299,26 кв.м тәшкил итәчәк. Беренче катта гардероблар белән вестибюльләр, уку кабинетлары, ашханә, медицина билгеләнешендәге бүлмәләр урнашачак. Ашханә залы 530-га исәпләнгән. Икенче һәм өченче катларда уку кабинетлары, мәктәп китапханәсе, администрация кабинетлары һәм 780 урынлык актлар залы урнашачак. Мәктәптә ике бассейн һәм ике спорт залы, шулай ук хоккей, волейбол, баскетбол, футбол төрләре өчен уен мәйданчыклары булачак.</span> </p> <p> <span style="color: #3d3d3d;">«Мәктәп, ике бассейнны сыйдыру өчен, блокны киңәйтү планы белән типлаштырылган проект буенча төзелә», - дип сөйләде Мэрга проект үзенчәлекләре турында Башкарма комитет җитәкчесенең беренче урынбасары Азат Нигъмәтҗанов.</span> </p> <p> <span style="color: #3d3d3d;">Мәктәпне киләсе елда файдалануга тапшыру планлаштырыла, диде «Ак таш» төзелеш компаниясе җитәкчесе Газинур Әхмәтов.</span> </p> <p> <span style="color: #3d3d3d;">«Апрель ахырына барлык төзелеш-монтаж эшләре башкарылачак - бу монолит эшләр һәм кирпеч кладка, - диде ул. - Төзелештә хәзерге вакытта 178 кеше эшли, әмма технологик процесс үскән саен без яңа төзүчеләрне җәлеп итәчәкбез».</span> </p> <p> <span style="color: #3d3d3d;">«Бу заманча, бөтен кирәкле инфраструктурасы булган камилләштерелгән мәктәп булачак», - дип билгеләде Казан Мэры Илсур Метшин.</span> </p> <p> <b><span style="color: #222222;">«Быел Казанда парталар артына рекордлы санда беренче сыйныф укучылары утырачак - 20,5 меңнән артык кеше»</span></b> </p> <p> <span style="color: #3d3d3d;">Казан яңа мәктәпләр төзү һәм кулланышка кертү буенча миллионлы башка шәһәрләр арасында алдынгы булуга карамастан, уку йортларына ихтыяҗ югары булып кала, дип билгеләп үтте шәһәр башлыгы. «Быел Казанда парталар артына рекордлы санда беренче сыйныф укучылары утырачак - 20,5 меңнән артык кеше. Бу безгә аерым җаваплылык өсти. Соңгы 15 елда 25 мәктәп төзесәк тә, алар һаман җитми әле. Шуңа күрә бу эшне дәвам итү мөһим», - диде И.Метшин.</span> </p> <p> <span style="color: #3d3d3d;">Бу ел яңа мәктәпләрне гамәлгә кертү буенча рекордлы булачак, диде Мэр һәм хәзерге вакытта Казанда федераль һәм республика программалары кысаларында «Адымнар - белем һәм татулыкка юл» </span><a href="https://www.kzn.ru/meriya/press-tsentr/novosti/m-shaymiev-i-i-metshin-osmotreli-stroyashchiysya-polilingvalnyy-obrazovatelnyy-kompleks-adymnar/" target="_blank"><span style="color: #0d5baa;">полилингваль комплексы</span></a><span style="color: #3d3d3d;"> составында </span><a href="https://www.kzn.ru/meriya/press-tsentr/novosti/v-2020-godu-v-kazani-postroyat-9-detsadov-i-3-shkoly-bolee-chem-na-3-tysyachi-mest/" target="_blank"><span style="color: #0d5baa;">ике мәктәп</span></a><span style="color: #3d3d3d;"> - Нәҗип Җиһанов урамындагы һәм </span><a href="https://www.kzn.ru/meriya/press-tsentr/novosti/na-70-zaversheno-stroitelstvo-shkoly-na-1224-mesta-po-ul-bondarenko-v-kazani/" target="_blank"><span style="color: #0d5baa;">Бондаренко урамындагы</span></a><span style="color: #3d3d3d;"> уку биналары төзелә, дип искәртте. «Адымнар» берничә телне берьюлы өйрәнеп була торган республикадагы беренче белем бирү комплексы булачак. «Төзелә торган объектлар саны гына түгел, белем бирү сыйфаты да үсә», - дип билгеләп үтте шәһәр башлыгы.</span> </p> <p> <span style="color: #3d3d3d;">Моннан тыш, бүген шәһәрдә Бичурин урамындагы </span><a href="https://www.kzn.ru/meriya/press-tsentr/novosti/aydar-shamsutdinov-o-budushchey-trekhyazychnoy-shkole-net-bolshey-tsennosti-chem-yazyk/" target="_blank"><span style="color: #0d5baa;">165-нче мәктәп өчен </span></a><span style="color: #3d3d3d;">800 укучыга яңа корпус төзелә, дип өстәде И.Метшин. Параллель рәвештә гамәлдәге бинаны реконструкцияләү алып барыла. Реконструкциядән һәм төзелештән соң мәктәпнең сыйдырышлылыгы 550-дән 1400 кешегә кадәр артачак. </span> </p> <p> <b><span style="color: #222222;">Татарстан башкаласында торак һәм мөһим социаль объектлар төзү туктатылмый</span></b> </p> <p> <span style="color: #3d3d3d;">Торак комплексының гомуми мәйданы 31 гектарга якын. Бу территориядә күпфатирлы йортлар гына түгел, социаль объектлар, медицина учреждениеләре, кибетләр һәм сәүдә комплексы урнашкан.</span> </p> <p> <span style="color: #3d3d3d;">«Биредә нормаль тормыш эшчәнлеге өчен кирәкле барлык объектлар диярлек урнашкан, - дип ассызыклады Азат Нигъмәтҗанов. - Торак комплексында барлыгы 16 йорт төзелеше каралган. Бүгенгә аларның 9-ы тапшырылган, 7-сендә эш бара, 329 кеше эшли».</span> </p> <p> <span style="color: #3d3d3d;">Торак комплекста шулай ук ике балалар бакчасы булдыру күздә тотыла, шуларның берсе инде тапшырылган - бу 340 урынлы мәктәпкәчә учреждение, дип өстәде Башкарма комитет җитәкчесенең беренче урынбасары. Микрорайонда халык саны 8 мең кешедән артыр дип планлаштырыла.</span> </p> <p> <span style="color: #3d3d3d;">Татарстан башкаласында торак һәм мөһим социаль объектлар төзү эше туктатылмавы мөһим, дип билгеләп үтте Мэр. «Белгәнебезчә, төзелештәге бер эш урыны чиктәш тармакларда өстәмә 9 урын булдырырга һәм башка һөнәр белгечләренә эш бирергә мөмкинлек бирә - бу электриклар, комплектлаучылар, мебельчеләр һәм башкалар. Бу бик мөһим, бигрәк тә катлаулы икътисадый вәзгыятьтә, - диде ул. - Татарстан Президенты Рөстәм Миңнеханов ярдәме белән безнең шәһәрдә барлык төп төзелеш объектларын финанслау расланды, шуңа күрә без әлеге эшне дәвам итәчәкбез».</span> </p> <span style="color: #3d3d3d;">Исегезгә төшерәбез, Казанда узган ел 2560 урынлы 12 балалар бакчасы һәм 2725 урынлы ике мәктәп төзеделәр. Моннан тыш, гамәлдәге учреждениеләргә 510 урынлык ике корылма һәм Кулагин урамындагы 114-нче мәктәпкә 144  урынга өстәмә корпус төзелгән.</span>

2020-04-10T14:34:52+0300