Казан мэры һәлак булган сугышчыларга һәйкәл гыйбадәтханәне төзекләндерү турында: «Аны быел тәмамларга өметләнәбез»

Белгечләр башта күпернең металл каркасын урнаштырачак, павильонның нигезен бетонлаячак, баскычны төзекләндерәчәк һәм инженерлык челтәрләрен салачак

Казансу елгасындагы һәлак булган сугышчыларга һәйкәл гыйбадәтханә янындагы яр буе территориясен төзекләндерүгә керештеләр, ул федераль әһәмияттәге мәдәни мирас объекты булып тора. Территориядә җәяүлеләр күпере төзергә, парковка ясарга ниятлиләр. Бу хакта эшлекле дүшәмбедә шәһәр Башкарма комитеты җитәкчесе урынбасары Игорь Куляжев хәбәр итте.

«Казансу елгасындагы һәлак булган сугышчыларга һәйкәл гыйбадәтханә – туризм өчен тагын бер төп урын. Быел аны төгәлләргә өметләнәбез», – диде Казан мэры Илсур Метшин.

Проект буенча һәйкәлгә җәяүлеләр күпере булдыру, туристик автобуслар һәм халыкның аз хәрәкәтләнүче төркемнәре өчен парковка оештыру планлаштырыла. Шулай ук белгечләр чиркәү хезмәткәрләре ихтыяҗлары өчен һәм җәмәгать бәдрәфләре өчен бүлмәләре булган зур булмаган павильон урнаштырачаклар. Тагын парковкадан гыйбадәтханәгә илтә торган баскыч ремонтланачак.

Эшләр күпернең металл каркасын урнаштырудан, павильонның нигезен бетонлаудан, баскычны төзекләндерүдән, инженерлык челтәрләрен салудан башланачак.