Казан Мэры Илсур Метшин Катар илчесе Әхмәд бән Нассер әл-Тани белән очрашты

«Россия – Ислам дөньясы: KazanSummit 2022» саммиты мәйданчыгында алар хезмәттәшлек мәсьәләләре турында сөйләштеләр.

Фото: Марат Мөгыйнов

(Казан шәһәре KZN.RU, 19 нчы май). Бүген «Казан Экспо» күргәзмә үзәгендә Казан Мэры Илсур Метшин Катарның Россиядәге гадәттән тыш һәм тулы вәкаләтле илчесе шәех Әхмәд бән Нассер әл-Тани белән очрашты. Алар Россия-Катар мөнәсәбәтләре кысаларында хезмәттәшлек мәсьәләләре турында фикер алыштылар. Очрашу «Россия – Ислам дөньясы: KazanSummit 2022» саммиты мәйданчыгында узды.

Чарада шулай ук Казан муниципаль берәмлеге башлыгы урынбасары Евгения Лодвигова, илче ярдәмчесе Али Алмарри, дипломат Абдул Рахман Әл-Кувари, илчелек вәкиле Мөхәммәд Сәгыйзов катнашты.

Исегезгә төшерәбез, 19 нчы майдан 21 нче майга кадәр Татарстан башкаласында «Россия – Ислам дөньясы: KazanSummit 2022» XIII халыкара икътисадый саммит уза. Чара Россия һәм ислам дөньясы илләре арасындагы икътисадый хезмәттәшлекнең төп мәйданчыгына әвереләчәк. Саммитның төп темалары – ислам финанслары һәм партнерлык банкингы, хәләл индустриясе, яшьләр дипломатиясе, экспорт үсеше, эшмәкәрлек һәм инвестицияләр. Чарага халыкара оешмалар, иҗтимагый һәм финанс институтлары вәкилләре, илчелекләр, сәясәт хезмәткәрләре, инвесторлар һәм эшмәкәрләр чакырылган.

Шулай ук укыгыз

Барлык яңалыклар