Казан мэры Илсур Метшин контракт буенча шәһәр түләүләрен 300 мең сумга кадәр арттырырга кушты

31 нче июльгә кадәр контракт төзүчеләр бер тапкыр бирелә торган 1,5 млн сум акча алачак

Казан мэры Илсур Метшин кушуы буенча ТР башкаласында РФ Кораллы Көчләрендә хезмәт итүгә контракт төзегәндә бер тапкыр бирелә торган түләү 300 мең сум тәшкил итәчәк. 31 нче июльгә кадәр шәһәрдә контракт төзегәннәр 1,5 млн сум алачак.
Бүгенге көннән башлап махсус операция зонасында хезмәт итү турында контракт төзүчеләргә РФ Оборона министрлыгыннан 195 мең сум, Казан муниципалитетыннан 300 мең сум һәм төбәктән 1,005 млн сум акча каралган.

Хезмәткә кергәндә акчалата тәэмин итү хәрби дәрәҗәгә һәм вазифага ярашлы билгеләнәчәк. Хәрбиләргә шулай ук социаль ташламалар һәм гарантияләр дә бирелгән.

Исегезгә төшерәбез, Казанда контракт буенча хәрби хезмәткә «Батыр» рәсмиләштерү үзәге эшли. Барлык теләүчеләрне «бердәм тәрәзә» ысулы буенча кабул итәләр. Үзәк Воровский урамындагы 25 нче йорт адресы буенча урнашкан.

Контракт буенча хәрби хезмәткә керү турында тулырак мәгълүмат белән сылтама буенча танышырга мөмкин.

Шулай ук укыгыз

Барлык яңалыклар