Казанда Петр Кирпичниковка мемориаль такта куелачак

Казанда Петр Кирпичниковка мемориаль такта куелачак

<p> </p> <div class="detail-picture"> <img src="https://kzn.ru/upload/iblock/196/MMB_0332.jpg_m.jpg"> <p class="detail-picture__caption"> Фото: Марат Мөгыйнов </p> </div> (Казан шәһәре KZN.RU, 9 нчы март). Татарстан башкаласында ТАССРның һәм РСФСРның атказанган фән һәм техника эшлеклесе, Казан химия-технология институты ректоры Петр Кирпичников истәлегенә мемориаль такта куелачак. Ул Чехов урамындагы 6а номерлы йорт фасадында урнашачак. Бу хакта бүген ТР Премьер-министры Алексей Песошин ТР Хөкүмәт йортында узган республика киңәшмәсендә хәбәр итте. <p> </p> <p> Мемориаль тактада: «Бу йортта 1973-1997 елларда Россия Фәннәр академиясе әгъза-корреспонденты, ТАССР һәм РСФСРның атказанган фән һәм техника эшлеклесе, профессор, Казан химия-технология институтының 1964-1988 еллардагы ректоры Петр Анатольевич Кирпичников яшәгән», - дип язылачак. Язма рус һәм татар телләрендә эшләнәчәк. </p> <p> Документ нигезендә, Петр Кирпичников истәлеген мәңгеләштерү тәкъдиме белән республиканың Мәдәният министрлыгы һәм Казан милли тикшеренү технология университеты чыккан. </p>

2022-03-09T16:01:12+0300