В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Саундтрекларны Казанның La Primavera камера оркестры башкарачак
Фото: Денис Гордийко
(Казан шәһәре KZN.RU, 21 нче июнь). Бүген Казанның «Черек күл» паркында La Primavera камера оркестры чыгыш ясаячак. «Мәдәни чәршәмбе» проектының чираттагы кичәсендә музыкантлар популяр фильмнардан көйләр уйнаячак.
Шәһәрлеләр «Мой ласковый и нежный зверь» фильмыннан Евгений Доги вальсын, «Карнавальная ночь» кинокартинасыннан попурри, «Властелин колец» трилогиясеннән саундтреклар һәм башка көйләрне ишетәчәкләр.
Концерт 18:30 да башлана. Керү ирекле, дип хәбәр иттеләр Казан Башкарма комитетының Мәдәният идарәсендә.
Исегезгә төшерәбез, узган җәйдә «Черек күл» паркында һәм «Әкият» курчак театры янындагы скверда 12 тематик чара – татар һәм джинс мәдәнияте фестивальләре, квиз, джаз һәм рок кичәләре, бию буенча осталык дәресләре һәм башкалар узды. Аларда 25 мең кеше булган.