Казанның медицина учреждениеләре Яңа ел каникулларында эш графигын үзгәртәчәк

Стационарлар, бала тудыру йортлары һәм травмпунктлар көн саен һәм тәүлек буе эшләячәк.

Казанда Яңа ел бәйрәмнәре вакытына, 31-нче декабрьдән 10-нчы гыйнварга кадәр, шәһәрнең медицина учреждениеләре эш режимын үзгәртәчәк. Стационарлар, шул исәптән гинекология һәм бала тудыру йортлары тәүлек буе эшләүләрен дәвам итәчәкләр һәм пациентларны территориаль принцип буенча кабул итәчәкләр.

7-нче номерлы (Чуйков ур., 54), 12-нче номерлы (Лечебная ур., 7) шәһәр клиник хастаханәләренең һәм 7-нче номерлы поликлиниканың (Фатыйх Кәрим ур., 14/67) тәүлек буе эшли торган травмпунктлары пациентларны көн саен, яшәү урынына карамастан, кабул итәчәк. Балаларга травматологик ярдәм Декабристлар урамы, 125а адресы буенча урнашкан 1-нче номерлы шәһәр балалар хастаханәсе травмпунктында (поликлиниканың эш графигы буенча), ә тәүлек буе күрсәтелә торган ярдәм - X.Бигичев урамы, 20 адресы буенча Республика балалар клиник хастаханәсе травмпунктында күрсәтеләчәк.

Өлкәннәр һәм балалар челтәре поликлиникалары 31-нче декабрьдә, 2, 5, 9-нчы гыйнварда авыруларны шимбә графигы буенча кабул итәчәк.

1, 3, 7-нче һәм 10-нчы гыйнварда поликлиникаларда кизү торучы терапевтлык бригадалары түбәндәге график буенча эшләячәк: олылар - 9.00 сәгатьтән 17.00 сәгатькә кадәр, балалар - 9.00 сәгатьтән 15.00 сәгатькә кадәр.

4, 6-нчы һәм 8-нче гыйнварда поликлиникаларда терапевтлык һәм педиатрия бригадалары һәм тар профильле табиб-белгечләр кизү торачак, рентгенология кабинеты, лаборатория, кичектергесез ярдәм кабинетлары, травматология пунктлары һәм көндезге эш режимындагы бүлекчәләр эшләячәк. Хатын-кызлар консультацияләре пациентларны поликлиникалар графигы буенча кабул итәчәк.

Казанның өлкәннәр өчен стоматология поликлиникалары 31-нче декабрьдә шимбә графигы буенча, 1-нче гыйнвардан 9-нчы гыйнварга кадәр - 9.00 сәгатьтән 15.00 сәгатькә кадәр эшли. Моннан тыш, өлкәннәргә һәм балаларга тәүлек әйләнәсе кичектергесез стоматология ярдәме «Городская стоматология» акционерлык җәмгыяте филиалында (Чернышевский ур., 10/6, тел.+7(843)291-01-03) күрсәтеләчәк.

Казанның барлык районнарында чыршы шәһәрчекләре ачылу тантанасында ашыгыч медицина ярдәме бригадаларының кизү торуы планлаштырылган. 31-нче декабрьдә табиблар «Черек күл» паркында һәм «Казан» гаилә үзәге территориясендәге төп шәһәр чыршысында, ә 6-нчы гыйнвар 23.00 сәгатьтән 7-нче гыйнвар 2.00 сәгатькә кадәр Казан Кремленең Благовещенск соборы янында кизү торачаклар.

Шулай ук укыгыз

Барлык яңалыклар