Гадәттән тыш хәлләр министрлыгы казанлыларны коры үлән яндыруның куркыныч нәтиҗәләре турында кисәтә

Хокук бозучылар административ җаваплылыкка тартылачак.

(Казан шәһәре KZN.RU, 12-нче апрель). ТР буенча Россия Гадәттән тыш хәлләр министрлыгы республика һәм аның башкаласы халкын үлән һәм чүп-чар яндыруга юл куймау кирәклеге турында кисәтә. Үләнне яндыруда гаепле кешеләр административ җаваплылыкка тартыла, штрафлар хокук бузу төренә карап гади гражданнар өчен 3 мең сумнан юридик затлар өчен 200 мең сумнан алып салына.

Корыган үләнне яндыру зур янгынга сәбәпче булырга һәм кеше гомеренә зыян китерергә мөмкин – бу очракта хокук бозучылар җинаять җаваплылыгына тартылачак, дип ассызыкладылар ведомствода. Еш кына яндыру авыл хуҗалыгы максатларында алдан уйлап башкарыла, әмма мондый янган урыннар да еш кына контроль астыннан чыга, ерак араларга тарала, зур зыян китерә.

Закон тарафыннан авыл хуҗалыгы билгеләнешендәге һәм запастагы җирләрдә коры үлән, урылган кырдагы калдыкларны яндыру, кырларда, автомобиль юлларына бүлеп бирелгән полосаларда һәм тимер юлларның саклау зоналарында, юл үткәргечләре һәм азык-төлек үткәргечләренең саклау зоналарында учаклар тергезү тыела.

Шулай ук шәһәрлеләрдән янгын куркынычсызлыгы кагыйдәләрен үтәүләрен сорыйлар - янгынның сәбәбе сүндерелмәгән тәмәке яки онытылган учак булырга мөмкин. Беренчел янгын сүндерү чараларын - ут сүндергечләрен, су мичкәләрен, ком тартмаларын – кулай урында тотарга кирәк, дип кисәтә Россия Гадәттән тыш хәлләр министрлыгының ТР буенча матбугат хезмәте.

Шулай ук укыгыз

Барлык яңалыклар