Мастер-класслар, күрсәткеч чыгышлар һәм граффити-баттллар: Казанда COMBOnation турниры узачак

Вакыйганың махсус кунагы Берлиннан судья Аднан Душаку булачак

Фото: COMBOnation

(Казан шәһәре KZN.RU, 23 нче август). Казан брейкинг һәм урам сәнгате буенча COMBOnation халыкара турнирын 15 нче тапкыр кабул итәчәк. Берлиннан судья Аднан Душаку махсус кунак булачак.

Юбилей вакыйгасы 24-27 нче август көннәрендә шәһәрнең сигез локациясендә узачак – брейкинг буенча финаллар «УРАМ» экстрим-паркында оештырыла. Теләгән һәркем тамашачы була ала. Турнир кунакларын бушлай бию осталык дәресләре, күрсәткеч чыгышлар, граффити-баттллар, бию культурасы легендалары белән очрашулар көтә.

Проект географиясе якын чит илләрне һәм Россиянең 35 тән артык төбәген үз эченә ала. Судьялыкка РФ, Болгария һәм Казахстаннан 30 дан артык кеше чакырылган.

2021 елда оештыручылар «COMBOnation рекордлар китабы»н төзегәннәр, анда ел саен брейкинг буенча массакүләм һәм шәхси рекордлар теркәлә. Быел юбилей уңаеннан бөтен дөньядан 13 кеше синхрон рәвештә REAL ONE HAND AIR TWIST брейкингының иң катлаулы элементын сикерәчәк.

Моннан тыш, бөтен Россиядән 20 дән артык граффити артисты бер мәйданчыкта җыелачак. Рәссамнарның эшен 25 нче августта – Алафузов фабрикасында, 26 нчы августта – «Ща» бар ишегалдында һәм 27 нче августта «УРАМ» экстрим-паркында күзәтергә мөмкин булачак.

Шулай ук 27 нче августтан 28 нче августка каршы төндә Алафузов фабрикасында традицион рәвештә COMBOnight электрон музыка фестивале узачак. Оештыручылар хәбәр иткәнчә, аны балигъ булганнар карый ала.

Брейкинг һәм урам сәнгате буенча халыкара турнир «Татнефть» хәйрия фонды һәм ТР Яшьләр эшләре министрлыгы ярдәме белән узачак.

Шулай ук укыгыз

Барлык яңалыклар