Казанда масштаблы фиджитал-турнир 5 нче октябрьдә башлана

17 илдән командалар «Киләчәк уеннары»на эләгү хокукы өчен көрәшәчәк

Фото: vk.com/gamesofuture

(Казан шәһәре KZN.RU, 20 нче сентябрь). 5 нче октябрьдән 22 нче октябрьгә кадәр Казан унынчы «Фиджитал-уен»ны кабул итәчәк. Масштаблы турнирда 17 илдән командалар катнаша. Алар «Киләчәк уеннары-2024» халыкара мультиспорт турнирына эләгү хокукы өчен көрәшәчәкләр.

«Киләчәк уеннары» проектының матбугат хезмәтендә берничә дистә команда җиде дисциплинада көрәшәчәк дип хәбәр иттеләр. Аларның икесендә – фиджитал-баскетбол һәм фиджитал-футбол ярышларында – ярышлар халыкара форматта узачак. Аларда Испания, Кытай, Сербия, Төркия, Камерун, Нигерия, Таиланд, Тунис, Чили һәм башка илләрдән спортчылар катнашачак.

Унынчы турнир «Киләчәк уеннары» халыкара турнирына әзерлекнең финал этабын ачачак, ул беренче тапкыр 2024 елның 23 нче февраленнән 2 нче мартына кадәр Казанда узачак. Ярышлар заманча технологияләр, цифрлы мохит һәм физик активлык кулланып, яңа дисциплиналар буенча үткәреләчәк. Ярышлар форматы киберспорт, робототехника, тулыландырылган һәм виртуаль чынбарлык, мәгълүмати технологияләр һәм ясалма интеллект өлкәсендәге соңгы эшләнмәләрне куллануны күздә тота.

Шулай ук укыгыз

Барлык яңалыклар