Иске Татар бистәсендә «Хәтер маршруты»: баянга җырлар, завод-фабрикаларның архив кадрлары, хәрби оркестр йөреше

Иске Татар бистәсендә «Хәтер маршруты»: баянга җырлар, завод-фабрикаларның архив кадрлары, хәрби оркестр йөреше

<p> 7 майда Иске Татар бистәсендә «Хәтер маршруты» бәйрәме булачак. Программада – Иске Татар бистәсе халкы һәм эшчеләренең архив фотолары, Казан завод-фабрикаларының архив кадрларының фотокүргәзмәсе, хәрби оркестр йөреше, баянга биюләр һәм башкалар. </p> <p> Сугыш елларындагы Иске Татар бистәсе буйлап тарихи сәяхәтне мәдәниятче Энҗе Дусаева үткәрә. Экскурсиянең башлану вакыты 13:00 сәгатьтә, ул Татарстан урамы, 3/2 адресыннан башлана. Катнашу өчен теркәлү кирәк. 14:00 сәгатьтә Иске Татар бистәсе урамнары буйлап хәрби оркестр йөреше планлаштырылган. </p> <p> Бәйрәм кунаклары өчен көн дәвамында төрле тематик локацияләр эшләячәк. «1418 көн батырлык» фотокүргәзмәсендә Казан завод һәм фабрикаларының архив кадрлары тәкъдим ителәчәк, «фотоателье» да теләгән һәркем истәлеккә тематик фото ясый алачак. </p> <p> Привалда баянга җырлар яңгыраячак, биредә үк 40 нчы еллар бию мәйданчыгы оештырылачак, Зәйни Солтан скверында сугыш чоры турындагы фильмнарның ачык кино күрсәтүләре узачак, дип хәбәр итә «Иске шәһәр» префектурасы. </p> <p> «Шагыйрьләр трибунасы»ннан сугыш еллары шигырьләре һәм прозалары укылачак, ә «Игелек ярминкәсе»ндә 12, 13 һәм 80 нче мәктәп укучылары тарафыннан ясалган кул эшләре тәкъдим ителәчәк, җыелган барлык акчалар хәйриягә юнәлдереләчәк. </p> <p> «Совет ишегалды» тематик мәйданчыгында шахмат буенча мастер-класслар, уенчыкларга бизәк төшерү һәм ишегалды уеннары оештырылачак. Шул ук вакытта «хәтер ишегалды»нда (Каюм Насыйри ур., 10) Иске Татар бистәсе өлкәннәре сугыш еллары истәлекләре белән уртаклашачаклар. </p> <p> Теләге булган һәркем фронт хаты яза, ә кыр кухнясында солдат боткасы һәм чәйдән авыз итә алачак. </p> <p>   </p>

2025-05-06T14:45:00+0300