«Йөзьяшәрләр уеннары» спартакиадасы кысаларында «Тормыш яме» катнашучыларының чаңгы ярышлары бу атнада башлана

Ярышлар 14 һәм 15 нче февральгә планлаштырылган

«Йөзьяшәрләр уеннары. Тормыш яме» спартакиадасы кысаларында чаңгы ярышларын уздыруның яңа даталары билгеле булды. Ярышларда 55 яшьтән башлап һәм аннан өлкәнрәкләр катнаша ала. Ярышлар Үзәк стадионда узачак.

14 февральдә чаңгы ярышлары Совет, Яңа Савин һәм Мәскәү районнарында яшәүчеләр өчен узачак. Беренчеләрне 12:00 дә көтәчәкләр. Яңа Савин районы командасы өчен ярышлар 14:00 сәгатьтә узачак, ә Мәскәү районында яшәүчеләрне 16:00 сәгатьтә чакыралар.

Икенче көнне, 15 февральдә, Авиатөзелеш, Киров, Идел буе һәм Вахитов районнары катнашучылары өчен чаңгы ярышлары булачак. Беренче ярыш 10:00 сәгатьтә планлаштырылган. Киров районыннан катнашучыларны 12:00 сәгатьтә көтәләр. Идел буе районы командасын ярышларга 14:30 да, ә Вахитов районында яшәүчеләрне 16:30 сәгатьтә чакыралар.

Финал ярышлары 22 февральдә 10:00 сәгатьтә булачак, дип хәбәр иттеләр «Йөзьяшәрләр уеннары. Тормыш яме» проекты телеграм каналында.

Үзәк стадион Ташаяк ур., 2а адресы буенча урнашкан.

Исегезгә төшерәбез, чаңгы узышларын һава торышы аркасында кичектерделәр. Башта алар 1 һәм 2 нче февральгә билгеләнгән иде.

Ярышлар «Озак һәм актив яшәү» милли проекты кысаларында уздырыла.