«Россия чаңгы юллары» Казанда 10 нчы февральдә узачак

Ачык массакүләм чаңгы узышына төрле яшьтәге шәһәр кешеләре кушыла ала

Фото: Марат Мөгыйнов

(Казан шәһәре KZN.RU, 19 нчы декабрь). 10 нчы февральдә Казанда «Россия чаңгы юллары» XLII ачык массакүләм чаңгы ярышы узачак. Тиешле боерыкка Татарстан Премьер-министры Алексей Песошин кул куйды. Документ республиканың рәсми хокукый мәгълүмат порталында бастырылган.

Турнирда төрле яшьтәге кешеләр катнаша ала. Ярышлар Татарстанда массакүләм физкультура-сәламәтләндерү хәрәкәтен популярлаштыруга юнәлдерелгән.

Узган сезонда «Россия чаңгы юлы»на 21 меңнән артык казанлы кушылды. Төп стартлар дүрт мәйданчыкта, шулай ук Мирный бистәсендәге Чаңгы-биатлон комплексында узды. 3 яшьлек Ренат Фазлыев ярышлардагы иң яшь катнашучы булды, ә 73 яшьлек Владимир Горянкин – иң өлкәне.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:02

Казанга «Җиңү поезды» мемориаль составы киләчәк
29.04.2025, 14:19

ТР башкаласында Некрасов урамында хәрәкәт чикләнәчәк

Барлык яңалыклар