В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
14.01.2025, 10:51
Казан укытучыларының иң яхшы өземтәләре яңа Мәгариф хезмәткәрләре йорты интерьерын бизәячәк
Укытучылар үз тәкъдимнәрен гыйнвар ахырына кадәр җибәрә ала
Казан мөгаллимнәре мәгариф хезмәткәрләре йортының яңа бинасы интерьеры дизайнын эшләүгә үз өлешен кертә ала. Проект белем бирү, укытучылар, балачак, олыгаю һәм мотивация белән бәйле өземтәләрне һәм әйтелмәләрне урнаштыруны күздә тота.
Иң яхшы тәкъдимнәр йомгаклау версиясенә кертеләчәк һәм гамәлгә ашырылачак, дип хәбәр иттеләр мәгариф идарәсендә. Белем бирү турындагы канатлы сүзләрне укытучылар гыйнвар ахырына кадәр сылтама буенча бирә ала.
Искәртеп узабыз, мәгариф хезмәткәрләренең яңа йортын ТР башкаласында яз көне мэр Илсур Метшин кушуы буенча ачачаклар. Бу заманча киңлек булачак, анда тәрбиячеләр һәм укытучылар һөнәри осталыкны арттыра, мәгариф ветераннары һәм тәҗрибәлерәк коллегалары тәҗрибәсен үзләштерә, актуаль проблемалар турында фикер алыша алачак.
950 кв.м мәйданлы бинада конференцияләр залы, мөгаллимнәр өчен иҗади лабораторияләр, күпфункцияле актлар залы, рекрутинг-үзәк, студияләр һәм төрле эш зоналары урнашачак. Эскиз проектын Казан үсеш институты эшләде.
Шулай ук укыгыз
-
25.07.2025, 11:52 -
25.07.2025, 11:21 -
25.07.2025, 10:51 -
25.07.2025, 10:23