Казанда стажлы иң яхшы машина йөртүчене сайлап алачаклар

Катнашучыларга юл хәрәкәте кагыйдәләрен белүләрен расларга һәм машина йөртү күнекмәләрен күрсәтергә кирәк булачак.

Фото: Денис Гордийко

(Казан шәһәре KZN.RU, 8 нче сентябрь). 27 нче сентябрьдә Казанда Өлкәннәр көненә багышланган машина йөртү осталыгы конкурсының сайлап алу этабы узачак. Иң яхшы автомобиль йөртүче Татарстан башкаласын октябрьдә узачак республика ярышларында тәкъдим итәчәк.

Катнашучыларга юл хәрәкәте кагыйдәләрен (транспорт белән идарә итү хокукына квалификация имтиханнарын тапшыргандагы кебек) белүләрен расларга һәм махсус трассада автомобиль белән идарә итү күнекмәләрен күрсәтергә туры киләчәк.

Чарага ТР башкаласында яшәүчеләр – 55 яшьтән өлкәнрәк хатын-кызлар һәм 60 яшьтән өлкәнрәк ирләр чакырыла, дип хәбәр итә РФ Эчке эшләр министрлыгының Казан буенча ЮХИДИ бүлеге. +7(843)533-38-41 телефоны, propagandaogai@mail.ru электрон почта адресы буенча тулырак мәгълүматны белергә һәм катнашуга гаризаларны бирергә мөмкин.

Шулай ук укыгыз

Барлык яңалыклар