Россиянең иң яхшы бүлмәләр җыештыручысы Казанда эшли

Ирина Гришина 100 бүлмәләр җыештыручы һәм илнең 66 субъекты арасыда Бөтенроссия бәйгесендә җиңде.

(Казан шәһәре KZN.RU, 2-нче ноябрь). Казан кунакханәләренең берсенең бүлмәләр җыештыручысы – Ирина Гришина – үзенең хезмәттәшләре арасында Россиядә иң яхшысы булып танылды. Бүген Мәскәүдә туризм өлкәсендә һөнәри осталык буенча “Туризм индустриясендә һөнәре буенча иң яхшысы” Бөтенроссия бәйгесендә җиңүчеләрне бүләкләделәр.

Билгеләп үтәргә кирәк, моңа кадәр Ирина Гришина туристик индустрия предприятиеләре эшчеләре арасында һөнәри осталык буенча “Кунакчыллык йолдызы” III муниципаль бәйгесендә җиңгән иде. Муниципаль бәйге нәтиҗәләре буенча ул “Туризм индустриясендә һөнәре буенча иң яхшысы” Бөтенроссия бәйгесенең федераль этабында катнашырга дип җибәрелгән иде.

Бөтенроссия этабы Мәскәүдә үтте. Төбәк туры нәтиҗәләре буенча, финалга 110 кеше һәм илнең 66 субъекты чыкты.

Бәйгедә 4 номинация тәкъдим ителде: “Кунакханә/башка урнашу чарасының иң яхшы кабул итү хезмәте эшчесе”, “Эчке һәм тышкы туризмның иң яхшы менеджеры”, “Иң яхшы экскурсовод”, “Номерлар фондын эксплуатацияләү хезмәтенең иң яхшы белгече (бүлмәләр җыештыручы)”.

Финал турында кандидатлар тест биремәрен чиште, шулай ук үзләренең иҗади сәләтләрен күрсәттеләр, дип хәбәр итте Туризм үсешенә булышлык итү комитеты.

Шулай ук укыгыз

Барлык яңалыклар