«Замбези елгасы» зоопаркына Инсар, Киара һәм Люся арысланнары күчте

Алар өчен иркен, җылы, җиһазланган вольерлар әзерләнгән.

(Казан шәһәре KZN.RU, 28-нче декабрь). Казанның «Замбези елгасы» зоопаркына Инсар, Киара һәм Люся арысланнары күчте. Алар өчен иркен, җылы, җиһазланган вольерлар әзерләнгән, дип хәбәр итә зоопаркның матбугат хезмәте.

Хәзерге вакытта яңа вольерларда су сыеры, крокодиллар, гамадриллар, страуслар, Мисыр челәннәре, пантер ташбакалары, Бразза маймыллары, сурикатлар, даманнар, дик-диклар, арысланнар, зәңгәр гну, лемурлар һәм башкалар яши. Зоопарк 2020-2021 елларда тулысынча җәнлекләр белән тулачак. Әйтик, киләсе елда Казанга шимпанзе, жираф, горилла, фил, мөгезборын һәм гепардларны китерү күздә тотыла.

Исегезгә төшерәбез, 21-нче декабрьдән «Замбези елгасы» яңа зооботаника бакчасы сынау режимында эшли. Биредә яшәүчеләр һәм кунаклар яңа җәнлекләр белән таныша һәм зоопаркның иске өлешеннән күчерелгән хайваннарны күрә ала.

Реконструкциянең барлык этаплары тәмамланганнан соң, Казан зооботаника бакчасы территориясе өч тапкырга – 7-дән 21 гектарга кадәр артачак. Зоопарк өч өлешкә бүленәчәк: Африка җәнлекләре урнашачак «Замбези елгасы», Көньяк Америкада яшәүче хайваннар яшәячәк «Амазонка елгасы» – һәм Россиянең төрле почмакларындагы хайваннар торачак территория. Өч өлеш тә үзара күперләр һәм тоннельләр белән тоташтырылыр дип көтелә.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар