Җәен Казан паркларында һәм скверларында 500-дән артык чара узды

Җәен Казан паркларында һәм скверларында 500-дән артык чара узды

<p> <span style="color: #3d3d3d;">Бу җәйдә Казанда гамәлдәге чикләүләр аркасында шәһәр иҗтимагый киңлекләрендә чаралар саны һәм аларның аудиториясе ике тапкырга кимегән - 516 вакыйга, аларда 226 мең кеше булган. Профилактика максатларында барлык паркларда мәгълүмати табличкалар һәм социаль дистанция тамгалары урнаштырылган, сәүдә объектлары санитайзерлар һәм битлекләр белән тәэмин ителгән. Быел паркларда һәм скверларда җәйге күңел ачу программасы иң популяр юнәлешләр белән дә, яңа проектлар белән дә тәкъдим ителде.</span> </p> <p> <span style="color: #3d3d3d;">Иң күренекле вакыйгаларның берсе «Милли кием» бәйрәме булды, аны беренче тапкыр Шәһәр көнен бәйрәм итү кысаларында Кабан күле яр буенда билгеләп үттеләр. Бәйрәм ике көн дәвам итте, алар дәвамында «Печән базары» маркеты эшләде, фудкорт оештырылды. Кунаклар өчен концерт, иммерсив рәсемнәр, куелышлар һәм экскурсияләр әзерләнгән иде. «Милли кием»дә 56 меңнән артык кеше булды, шуларның 2000-е идеяне хуплады һәм милли киемнәр киеп килде.</span> </p> <p> <span style="color: #3d3d3d;">Моннан тыш, мәдәни программа Кабан күле яр буенда La Primavera оркестры башкаруында тере музыка концерты һәм Лядской бакчасында «Октава» инструменталь музыкасы кичәсе белән тәкъдим ителде. Монда сирәк музыка кораллары - арфа, кубыз, бас-балалайка, укулеле, думбра - тавышларын ишетергә мөмкин иде.</span> </p> <p> <span style="color: #3d3d3d;">Июль һәм августта Горький исемендәге паркта импровизацияләнгән биюләрнең ачык студиясе эшләде, Аксенов исемендәге скверда ел саен уздырыла торган «Ирек мәйданы» заманча хореография фестивале үтте. Шулай ук Лядской бакчасы һәм Кабан күле яр буе Нурбәк Батулланың һәм «Э-моция» инклюзив театрының импровизацияле чыгышлары мәйданчыгына әверелде, ә Горький исемендәге паркта «Җиңел канатлар» урам театры премьерасы булды.</span> </p> <p> <span style="color: #3d3d3d;">Җәй көне паркларда кино күрсәтүләр дәвам итте: «Крылья Советов» паркында «Ретро-пәнҗешәмбе» проекты, Кабан күле яр буенда Казан режиссерларының авторлык фильмнары һәм Горький исемендәге паркта кыска метражлы фильмнар фестивале. Быел «Казан» гаилә үзәге территориясе кино күрсәтүләр өчен яңа мәйданчык булды, анда бушлай автокинотеатр эшләде.</span> </p> <p> <span style="color: #3d3d3d;">Паркларның спорт белән тулылануын оештыруда төп партнер булып, «Яшел фитнес» проекты тора. Өч ай эчендә паркларда 250-дән артык бушлай тренировка үткәрелде, аларда 7,5 мең шәһәр кешесе катнашты. Шулай ук Кабан күле яр буенда, «Ак чәчәкләр» бульварында, «Крылья Советов» паркында, Җиңү паркында һәм «Казан» гаилә үзәге түбәсендә йога белән иртәнге дәресләр дәвам итте. Моннан тыш, теләге булган һәркем йөгерү, кроссфит һәм медитация дәресләре буенча бушлай тренировкаларга йөри алды.</span> </p> <p> <span style="color: #3d3d3d;">Быел, озак тәнәфестән соң, Дәрвишләр бистәсендә традицион район спорт эстафетасы торгызылды. Анда 600-дән артык кеше катнашты.</span> </p> <p> <span style="color: #3d3d3d;">Казан паркларында һәм скверларында мәгариф һәм экология проектларына зур игътибар бирелә. Шулай итеп, Горки урманы илебездә Zero Waste Park проекты гамәлгә ашырыла торган беренче һәм Европадагы икенче парк булды. Исегезгә төшерәбез, бу ТР Хөкүмәте һәм Coca-Cola компаниясе арасындагы килешү нәтиҗәсендә мөмкин булды. Территориядә эшкәртелгән пластиктан ятаклар, калдыкларны дуаль җыю өчен 210 савыт урнаштырылды, ә августта CUBE контейнер үзәге базасында эколаборатория ачылды. «Казан - калдыкларсыз шәһәр» программасы кысаларында чираттагы киңлек Урицкий исемендәге парк булды: биредә дуаль чүп җыюның 66 савыты, ятаклар, таганнар һәм эшкәртелгән пластиктан ясалган утыргычлар урнаштырылган.</span> </p> <p> <span style="color: #3d3d3d;">Өченче ел рәттән Горки-Әмәт урманында иҗтимагый бакча эшли. Биредә шулай ук бу сезонда беренче тапкыр ярминкә һәм бүлмә үсемлекләре белән алмашу, экошимбә өмәсе узды, кибет ачылды, анда товар һәм азык-төлек сатып алырга мөмкин.</span> </p> <p> <span style="color: #3d3d3d;">Җәй буе Горький исемендәге паркта инглиз һәм испан телләре буенча бушлай дәресләр узды, «Ак чәчәкләр» бульварында каллиграфия студиясе, балалар өчен чүлмәк ясау остаханәсе һәм белем бирү курслары эшләде. Кабан күле буенда татар телендә сөйләшү клубы эшләде. Моннан тыш, Аксенов исемендәге скверда, Лядской бакчасында һәм Мир урамындагы паркта буккроссинг өчен нокталар булдырылды.</span> </p>

2020-10-19T09:45:01+0300