Җәен Казанда трамвай юлларында 163 метр рельс һәм 1841 шпал алыштырылды

Җәен Казанда трамвай юлларында 163 метр рельс һәм 1841 шпал алыштырылды

<p> </p> <div class="detail-picture"> <img src="https://kzn.ru/upload/iblock/aaf/MMB_6205-870.jpg"> <p class="detail-picture__caption"> Фото: Марат Мөгыйнов  </p> </div> <p> (Казан шәһәре KZN.RU, 6 нчы сентябрь). «Метроэлектротранс» узган җәйдә җир өсте транспорты юл хуҗалыгы хезмәтенең эшенә йомгак ясады. Борһан Шәһиди урамы буенча 271 метр рельс-шпал рәшәткәсен алмаштырдылар һәм 168 юл тягасы урнаштырдылар. </p> <p> Җиңү Проспектында Минск урамыннан Академик Завойский урамына кадәр 523 метр даими юлга рельс-шпал рәшәткәсен салганнар, 761 метр әйләнеп узу юлларыннан сүтеп алганнар, сигез температура компенсаторы һәм 208 юл тягасы урнаштырылган. </p> <p> Шулай ук трамвай юлларына агымдагы ремонт ясалган. Җәй айларында 163 метр рельс һәм 1841 шпал алыштырылган, 1445 юл тягасы урнаштырылган. Моннан тыш, трамвай юллары һәм уклы күчергечләр пычрактан һәм асфальттан чистартылган, алар буендагы үлән чабылган. </p> <p> Тиешле һава шартлары булганда эшләр салкыннар башланганчы дәвам итәчәк. Ахыргы нәтиҗәләр 2022 ел ахырында билгеле булачак, дип хәбәр иттеләр «Метроэлектротранс» муниципаль унитар ппредприятиесендә.  </p> <p> Исегезгә төшерәбез, узган атнада Җиңү Проспектында торгызылган юллар буенча трамвайлар хәрәкәте <a target="_blank" href="https://kzn.ru/meriya/press-tsentr/novosti/na-prospekte-pobedy-otkrylos-dvizhenie-tramvaev-po-vosstanovlennym-putyam/">җибәрелде</a>. Элегрәк рельсларны Вознесение тракты төзелеше сәбәпле әйләнгеч юлга күчергәннәр иде. </p>

2022-09-06T11:41:37+0300