Җәй көне Казан белән Мәскәү арасында авиарейслар саны артачак

«Аэрофлот» ТР башкаласына тәүлегенә 12 рейс башкарачак

Фото: Марат Мөгыйнов

Агымдагы елның җәй айларына «Аэрофлот» авиакомпаниясе Казан белән Мәскәү арасында рекордлы санда рейслар планлаштыра. Бу, үз чиратында, туристлар агымын арттырырга мөмкинлек бирәчәк.

Татарстан башкаласына тәүлегенә – 12, ә атнага 84 рейс башкарылачак. Очышлар саны, узган ел белән чагыштырганда, 24% ка күбрәк булачак, дип хәбәр итә авиакомпания матбугат хезмәте.

Узган ел Мәскәү – Казан – Мәскәү һава линиясендә пассажирлар саны 729 мең кешедән артып киткән. Маршрутта 5 меңнән артык рейс башкарылган.

Исегезгә төшерәбез, җәй көне Татарстан башкаласыннан Санкт-Петербургка, Минераль Суларга һәм Калининградка да очышлар саны артачак. Пассажирларга Nordwind Airlines авиакомпаниясе хезмәт күрсәтәчәк.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар