Җәй көне Казанның муниципаль пляжларында 29 кешене коткардылар, шуларның 7 балигъ булмаган балалар

31 августта су коену сезоны тәмамланды

Казанда быел җәй шәһәр пляжларында коткаручылар тырышлыгы белән 29 кеше коткарылды, шуларның 7 се балигъ булмаганнар. Барлык муниципаль пляжларда һәм оештырылган ял итү урыннарында 1 июньнән 30 августка кадәр 11 коткару посты кизү торды.

Коену өчен оештырылмаган урыннарда 4 кеше үлгән, шул исәптән 1 бала. Шунысын билгеләп үтәргә кирәк, бу узган ел белән чагыштырганда ике тапкырга кимрәк. Ике очрак исереклек халәте сәбәпле булган, бер очрак – сәламәтлек торышы буенча, баланың үлеме ата-аналар тарафыннан контроль булмау аркасында булган.

Россия Эчке эшләр министрлыгының Казан шәһәре буенча идарәсе шәһәр пляжларында һәм оештырылган ял итү урыннарында рейдлар барышында 23 кешене җәмәгать тәртибен бозу өчен административ җаваплылыкка җәлеп итте, хокук бозучылар вак хулиганлык, җәмәгать урынында исерек хәлдә килү, алкоголь продукциясе эчү һ.б. белән чикләнде.

Бу су коену сезонында Казанда яшәүчеләргә һәм кунакларга ял итү өчен биш муниципаль пляж – «Локомотив», «Түбән Заречье», «Тирән күл», «Зур Аккош» күле, «Комсомольское» күле һәм биш оешкан ял урыны – «Изумрудное күле», «Кече Аккош күле», «Җиңү паркы», «Олы Зәңгәр күл», «Куземетьево» билгеләнде.

Су коену өчен җиһазландырылмаган, яраксыз һәм куркыныч урыннарда су коенуны тыя торган 24 аншлаг куелган иде.

Су объектлары территориясендә көн саен ял итүчеләргә суда үз-үзләрен тоту кагыйдәләре турында мәгълүмат җиткерелде. Барлыгы ял итүчеләр белән 2739 әңгәмә үткәрелде, суда үз-үзеңне тоту кагыйдәләре буенча 3000дән артык белешмә таратылды.

Шулай ук укыгыз

Барлык яңалыклар