«Яшел фитнес» проектының җәйге сезоны Казанда бәйрәм фестивале белән тәмамланачак

27-нче сентябрь көнне Горький исемендәге паркта 10 спорт зонасы эшләячәк.

Фото: Казан шәһәре KZN.RU

(Казан шәһәре KZN.RU, 23-нче сентябрь). Казанда «Яшел фитнес» проектының алтынчы сезоны тәмамланып килә. 27-нче сентябрьдә Горький исемендәге паркта йомгаклау спорт фестивале узачак.

Шәһәрлеләрнең һәм шәһәр кунакларының джампинг, кендо, йога, кроссфит, зумба, дала-аэробика һәм башка юнәлешләр буенча 10 спорт зонасы эшендә катнашу мөмкинлеге булачак. Катнашу өчен теркәлү узарга кирәк.

Фестивальнең хедлайнерлары булып «Танцы на ТНТ» проекты катнашучысы Влад Ким һәм «Песни на ТНТ» тамашасының икенче сезоны финалисты Amchi булачак.

«Яшел фитнес» проектында актив катнашып, zelfi.ru сайтында теркәлгән һәм җәйге сезонда саф һавада бушлай күнегүләр өчен баллар җыйган кешеләр призлар уйнатуда катнаша алачак.

Фестивальдә балалар зонасы һәм фуд-корт зонасы оештырылачак, дип хәбәр итә оештыручылар. Бәйрәм 15.00 сәгатьтә башлана.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар