Кинолог лекциясе һәм психолог белән әңгәмә: Серов бульварында агарту чаралары уздырыла

Катнашу өчен алдан теркәлергә кирәк

Марат Мөгыйнов фотосы

Декабрьдә Серов бульварындагы СИБУР экопавильонында берничә чара оештырыла. Шәһәр халкы «Дог-френдли Татарстан» проекты буенча оештырыла торган лекциягә һәм «Пластикның икенче тормышы» экодәресенә килә алачак.

Бүген, 14 декабрьдә, теләге булган һәр кешене «Йорт хайванына ничек Яңа ел бәйрәмнәрен уңайлы үткәрергә ярдәм итәргә?» лекциясен тыңларга чакыралар. Очрашуны кинолог һәм этләрнең үз-үзен тотышын өйрәнүче белгеч Лидия Гром үткәрә. Чара 11:00 сәгатьтә башлана. Катнашу өчен сылтама буенча теркәлергә кирәк.

Киләсе шимбә көнне, 20 декабрьдә шәһәр халкы өчен «Пластикның икенче тормышы» экодәресен үткәрәчәкләр. Дәрестә эколог, Татарстан Республикасында «Чиста уеннар» проекты координаторы Максим Антонов калдыкларны ничек дөрес итеп төрләргә аерырга кирәклеген аңлатачак һәм эшкәртелгән материаллардан нинди әйберләр ясаулары турында сөйләячәк. Лекция 16:30 сәгатьтә башлана. Сылтама буенча теркәлү мөһим.

Исегезгә төшерәбез, «СИБУР» экопавильоны ачылганнан бирле Серов бульварында 40 экология, инклюзия юнәлешендәге һәм агарту чарасы уздырылган. Чараларга кызыксынып килгән шәһәр халкының саны 500 гә җитә, аларның 15 проценты – сәламәтлегендә үзенчәлекләр булган кешеләр.

Шулай ук укыгыз

Барлык яңалыклар