Ландыш Яруллина: «Минем өчен эштә иң зур индикатор - балаларның янып торган күзләре».

Ландыш Яруллина: «Минем өчен эштә иң зур индикатор - балаларның янып торган күзләре».

<p> <img width="870" src="https://www.kzn.ru/upload/iblock/2b4/IMG_219911.jpg" height="652"><br> </p> <p> <span style="color: #3d3d3d;">(Казан шәһәре KZN.RU, 7-нче сентябрь). Киров районының 122-нче номерлы Казан балалар бакчасында уникаль проект гамәлгә ашырылды - монда пластилин анимациясе студиясе эшли. Белгечләр фикеренчә, бу балаларга логопедик, психологик үсештә ярдәм итә, аларны командада эшләргә өйрәтә, иҗади фикерләүне һәм башка сыйфатларны үстерә. Пластилин анимациясе студиясендә тәрбия процессының ничек оештырылуы турында KZN.RU порталы укучыларына проектның идея илһамчысы, балалар бакчасы укытучы-логопеды Ландыш Яруллина сөйләде.</span> </p> <p> <b><span style="color: #3d3d3d;">Мультфильмнар эшләү идеясе ничек барлыкка килде?</span></b> </p> <p> <b><span style="color: #3d3d3d;">Л.Я.:</span></b><span style="color: #3d3d3d;"> Минем кызым пластилиннан әвәләп ясарга ярата. Айга без төрле төсләрдәге алты кап пластилин сатып ала идек. Шулай итеп, өйдә тулы бер эшләнмәләр күргәзмәсе барлыкка килде. Аннары без «Ашыгыч ярдәмгә юл бирегез» конкурсында катнашып карарга булдык. Мультфильмны без телефонга төшердек, ә декорацияләр булып өйдә табылган барлык нәрсәләр дә хезмәт итте. Соңрак без махсус мультстудия барлыгы турында белдек, һәм безне бу кызыксындырды.</span> </p> <p> <b><span style="color: #3d3d3d;">Балалар бакчасында мультфильм төшерүнең иң беренче тәҗрибәсе турында сөйләгез әле.</span></b> </p> <p> <b><span style="color: #3d3d3d;"><img width="435" src="https://www.kzn.ru/upload/iblock/1b6/IMG_220211.jpg" height="326" align="left"></span></b><b><span style="color: #3d3d3d;">Л.Я.:</span></b><span style="color: #3d3d3d;"> Без мультстудия сатып алгач, мин балаларга мультфильм төшерергә тәкъдим иттем, алар моны энтузиазм белән кабул иттеләр. Бу вакытта аларның әвәләү буенча дәресләре бар иде, алар «Теремкәй» әкиятендәге персонажларны ясадылар. Төркем зур иде, без аны урталай бүлдек, һәм балалар чиратлашып, башкалар караган вакытта, үз геройларын күчереп йөрттеләр. Аларның беренче мультфильмы шулай туды.</span> </p> <p> <b><span style="color: #3d3d3d;">Төшерү алдыннан алдан әзерләнү кирәкме?</span></b> </p> <p> <b><span style="color: #3d3d3d;">Л.Я.:</span></b><span style="color: #3d3d3d;"> Мультфильм булдыруда беренче адым - сюжет сайлау. Казан легендалары яки әкиятләр мотивлары буенча тарихлар төшерергә мөмкин. Аннары балалар әкият персонажларын әвәлиләр, бергә сценарий язабыз. Соңыннан, мультстудиядә без фигураның һәр хәрәкәтен фотога төшерәбез һәм тулы бер мультфильм тудырабыз. Пластин фигуралардан тыш, төшерүләрдә балалар да катнаша - Казан буйлап экскурсия алып баручылар сыйфатында.</span> </p> <p> <span style="color: #3d3d3d;">Уртача алганда, анимация булдыру өчен секундына 3-5 кадр ясарга кирәк. Салмак монтаж булдыру өчен, күбрәк хәрәкәт һәм кадрлар ясарга кирәк.</span> </p> <p> <b><span style="color: #3d3d3d;">Балалар барыннан да бигрәк кайсы персонажны ярата?</span></b> </p> <p> <b><span style="color: #3d3d3d;">Л.Я.:</span></b><span style="color: #3d3d3d;"> Мәсәлән, миңа ярдәм итүче кызымның иң яраткан персонажы - Зилант турындагы легенда герое. Безнең балалар хан турындагы риваятьләрне бик яраталар. Үзе яшәгән шәһәрнең тарихын белү балада кызыксынө уята, ә монда танып белү процессы мультфильм аша бара.</span> </p> <p> <span style="color: #3d3d3d;"><img width="435" src="https://www.kzn.ru/upload/iblock/46a/IMG_221111.jpg" height="326" align="right"></span><span style="color: #3d3d3d;">Балаларның мондый проектта катнашуының зур плюсы: логопедик һәм психологик үсеш. Бу очракта эш командада эшләнә, бала фикерләүне, артикуляцияне һәм башка сыйфатларны үстерә. Психологик яктан бу - әкият терапиясе. Шушы ысул ярдәмендә баланың тормышка иҗади мөнәсәбәте формалаша, максатка ирешү ысулларының күптөрлелеге формалаша, тормыш бурычларын хәл итүдә яшерен сәләтләре үсә.</span> </p> <p> <span style="color: #3d3d3d;">Анимациядә иң төп ачкыч - балаларга мәхәббәт. Педагогның эчендә аралашырга яратучы кечкенә бала яшәргә тиеш. Минем өчен эштә иң төп индикатор - балаларның янып торган күзләре. Әгәр ялкын бар икән, димәк, аңа кызыклы, һәм без дәвам итәбез, әгәр юк икән - эш тактикасын үзгәртәбез. Мин һәрвакыт үземнең эчке балама мөрәҗәгать итәм, һәм ул әлегә кадәр беркайчан да сынатмады.</span> </p> <p> <span style="color: #3d3d3d;">Сүз уңаеннан, бу проектны ата-аналар актив хуплый. Хәзер балаларда клиплы фикерләү. Алар якты, матур, кызыклы итеп күрсәтелгән әйберләрне истә калдыралар, ә иң мөһиме - заманча. Мин үзем дә статик кадрларны яратмыйм, хис-кичерешләр күренгәндә яхшырак. Гамәлдәге фотоларны урнаштырырга һәм вакыт белән бергә атларга тырышабыз.</span> </p>

2020-09-07T16:58:00+0300