Л.Авдонина: «Татарстан яңа коронавирус инфекциясенә халыкның иммунитеты теге яки бу дәрәҗәдә формалашкан субъектлар исәбендә»

Яңа коронавирус инфекциясенә популяция иммунитетын өйрәнү буенча пилот проект нәтиҗәләре яңгырады.

(Казан шәһәре KZN.RU, 11-нчы август, Алинә Бережная). Татарстан Республикасы яңа коронавирус инфекциясенә халыкның иммунитеты теге яки бу дәрәҗәдә формалашкан субъектлар исәбенә керә. Бүген «Татар-информ» мәгълүмат агентлыгында узган матбугат конференциясендә ТР буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәте идарәсе җитәкчесе урынбасары Любовь Авдонина яңа коронавирус инфекциясенә популяцион иммунитетны өйрәнү буенча пилот проекты нәтиҗәләре турында сөйләде.

Исегезгә төшерәбез, Татарстан 22 пилот төбәкнең берсе булды, анда халыкны яңа коронавирус инфекциясенә популяцион иммунитетка тикшерү үткәрү турында карар кабул ителде. 26-нчы июньнән 30-нчы июньгә кадәр республика халкының җиде яшь категориясеннән кан алу үткәрелде.

Тикшеренүдә барлыгы 2 мең 947 кеше катнашкан, шуларның 921-ендә коронавирус инфекциясенә антитәнчекләр табылган - бу 31,1%. «Без бу күрсәткеч югары булган субъектлар арасында һәм бу халыкта теге яки бу дәрәҗәдә иммунитет формалашкан дигән сүз. Тикшеренүләр дәвам итәчәк. Хәзер безгә кешеләрдә иммунитет күпме сакланачагын белү кызыклы», - дип билгеләде Л.Авдонина.

Искәртеп узабыз, узган тәүлектә Татарстанда коронавирус инфекциясе йоктыруның 28 яңа очрагы теркәлгән, барысы да контактлы. 5 кеше хастаханәгә озатылган, 23 кеше өйдә дәвалана.

Шулай ук укыгыз

Барлык яңалыклар