Кыстыбургерлар һәм кыздырылган туңдырма: кунаклар һәм казанлылар шәһәрнең тәмен Меңьеллык паркында татып карый ала

Кыстыбургерлар һәм кыздырылган туңдырма: кунаклар һәм казанлылар шәһәрнең тәмен Меңьеллык паркында татып карый ала

<p> (Казан шәһәре KZN.RU, 12-нче май, Екатерина Виславская). Үзенчәлекле ризыклар, эко-тәм-томнар һәм фермер азык-төлеге белән казанлылар ике көн дәвамында, 12 һәм 13 майда, Меңьеллык паркында сыйлана ала. Бүген биредә Татарстанның иң төп гастрономик вакыйгасы “Тәмле Казан” фестивале үтә.<br> </p> <p> Өченче ел рәттән фестиваль яңа мәйданда үтә: 2016 елда Иске Татар бистәсендә, 2017 елда “Казан” гаилә үзәге территориясендә булса, быел - Меңьеллык паркында. Шәһәр үзәгендәге бу территория волейбол буенча “Дүрт финалы” Чемпионнар лигасының җанатарлар зонасы булды. </p> <p> “Һәркем биредә үзенә ошаганын таба ала. Монда кичкә кадәр торырга мөмкин: ашарга, күңел ачарга һәм ял итәргә. Барыгызгы да яхшы кәефләр телим”, - диде рәсми ачылыш барышында Туризм үсешенә булышлык итү комитеты директоры Дарья Санникова. </p> <p> Тантанада шулай ук ТР яшьләр эшләре һәм спорт министры һәм Казан һәм Татарстанның рестораторлар һәм отельерлар ассоциациясе идарәсе рәисе Зөфәр Гаязов катнаша. </p> <p> Парк аллеяларында агачтан ясалган киосклар урнаштырылган, аларда 46 җәмәгать туклануы объекты үзләренең иң яхшы ашамлыкларын тәкъдим итә. Биредә гадәти ризык – сэндвичлар, шашлык, кофе, тәм-төм, пылау, пелмән, пицца, салатлар – очратырга мөмкин. Үзенчәлекле ашамлыклар да бар, мәслән, фалафель яисә ананас белән бургерлар, кыздырылган туңдырма. </p> <p> Фестиваль вакытына парк берничә тематик зонага бүленгән, кафеларда ерак түгел фермер ярминкәсе үткәрелә. 10-нан артык җитешерүче ипи, ит ярымфабрикатлары, сөт ризыклары һәм сырлар сата. </p> <p> Фестивальдә “Шәһәрнең иң яхшы рестораны” өчен тавыш бирәләр. Нәтиҗәләр 13 май көнне 12.00 сәгатьтә чыгарылачак. Моннан кала, сәхнәдә бер-бер артлы кулинар мастер-класслар һәм лекцияләр үтә. Чирәмлектә балалар өчен зона эшли. </p>

2018-05-12T15:34:09+0300