Казанда Корбан бәйрәме: иртәнге вәгазь, җәмәгать транспортының эш вакыты, корбан чалу өчен урыннар

Җәмәгать транспортының мәчетләргә кадәр маршруты сәгать 2:00 дән оештырылачак

Якшәмбе 16 нчы июньдә мөселманнар иң олы бәйрәмнәрнең берсе булган Корбан бәйрәмен билгеләп үтәчәк. Казан мәчетләрендә бәйрәм чаралары 3:00 сәгатьтә иртәнге вәгазь укудан башлана.

Шәһәр халкын мәчетләргә кадәр илтү өчен махсус сәгать 2:00 дән 6, 10, 15, 30 нчы номерлы автобус һәм 2 нче номерлы троллейбус маршруты буенча җәмәгать транспорты булачак.

Корбан чалу йолалары өч көн - 16, 17 һәм 18 нче июнь көннәрендә, моның өчен махсус билгеләнгән урыннарда дәвам итәчәк.

Авиатөзелеш һәм Яңа Савин районы

«Казан нуры» мәчете (Ф. Әмирхан ур., 3)

«Салихҗан» мәчете (Бестужев ур., 66)

«Фатиха» мәчете (Кадышево бистәсе, Рихард Зорге ур., 2а)

Вахитов һәм Идел буе районнары

«Әл-Мәрҗани» мәчете (К.Насыйри ур., 17)

«Тынычлык» мәчете (Мирный бистәсе, Мелитопольская ур., 15)

«Гадел» мәчете (Оренбург тракты, 193)

«Ризван» мәчете (Х.Мәүлетов ур., 48а)

«Апанай» мәчете (К.Насыйри ур., 27)

«Корбан бәйрәме» комплексы (Бертуган Петряевлар ур., 6)

Киров һәм Мәскәү районнары

«Рамазан» мәчете (Окольная ур., 25б)

«Мәүлид» мәчете (Залесный бистәсе, Селянская ур., 23)

«Җомга» мәчете (Юдино бистәсе, Ильич ур., 4)

«Әхмәдзәки» мәчете (Залесный бистәсе, Осиновский тыкрыгы, 16а)

«Рәҗәб» мәчете (Энгельс ур., 20/39)

Совет районы

«Билал» мәчете (Вознесенское бистәсе, Иркен ур., 29)

«Котдус» мәчете (Карьер бистәсе, Яснополянский тыкрыгы, 16)

«Иман нуры» мәчете (Нагорный бистәсе, Дорожная ур., 32а)

«Әхтәм» мәчете (Киндери бистәсе, Азина ур., 101а)

Бу көнне шәһәр хезмәтләре тиеш булмаган урында корбан чалмау һәм аларны рөхсәтсез сатуны оештырмау максатыннан, тикшерүләр уздырачак. Җәмәгать урыннарында тәртип саклау һәм мөселманнарның куркынычсызлыгын тәэмин итәр өчен, хокук саклау органнары хезмәткәрләре кизү торачак.

Бәйрәм көнне, 16 нчы июньдә, ТРның Милли китапханә янындагы яр буенда «Корбан-фест» узачак. Чараның кунакларын интерактив һәм гаилә конкурслары, мастер-класслар, күргәзмәләр, утлы шоу һәм фотозона көтәчәк.

«Чара 17:00 сәгатьтә башлана», – дип хәбәр итте Казан шәһәре башкарма комитетының иҗтимагый оешмалар белән элемтә бүлеге.

Шулай ук укыгыз

Барлык яңалыклар