«Безнең ишегалды» программасы кураторы ишегалларны 2023 елда төзекләндерү өчен исемлеккә кертү турында сөйләячәк

Туры эфирда казанлыларга «Локоло» кушымтасын тәкъдим итәчәкләр, аның функцияләре Президент программасында катнашучыларга ачык.

Фото: Денис Гордийко

(Казан шәһәре KZN.RU, 3 нче ноябрь). 7 нче ноябрьдә «Безнең ишегалды» республика программасы кураторы Арина Петрова туры эфир үткәрәчәк. Ул тыңлаучыларга 2023 елда ишегаллары төзекләндереләчәк кешеләр белән очрашулар тәмамлануы турында сөйләячәк. Җыелышларның күбесе инде узды, соңгы очрашулар 7-13 нче ноябрьдә, шул исәптән Казанда узачак.

Шулай ук Татарстанда яшәүчеләр республика районнары ишегалларында эшләр тәмамлануы һәм 2023 елда төзекләндерү өчен исемлеккә кертелгән ишегаллары турында беләчәкләр. Чарада катнашучылар кураторга туры эфирда кызыксындырган сорауларын бирә алачак, дип хәбәр итә «Безнең ишегалды» программасының матбугат хезмәте.

Моннан тыш, туры эфирда ТР Цифрлы трансформация үзәгенең мәдәният, мәгариф һәм яшьләр сәясәте өлкәсендә цифрлы трансформация бүлеге башлыгы Булат Габдрахманов та катнашачак. Ул шәһәрлеләрне, бизнес вәкилләрен һәм идарәче оешмаларны берләштерүче «Локоло» кушымтасы турында сөйләячәк. Эфир вакытында тыңлаучылар Казандагы Фрунзе урамындагы 19 нчы номерлы йортта яшәүчеләрнең сервисны ничек сынаулары һәм кушымтаның «Безнең ишегалды» программасында катнашучыларга ачык булган функцияләре турында беләчәкләр.

Трансляция Республика программасының Telegram-каналында 10:30 сәгатьтә башлана.

Исегезгә төшерәбез, программа Татарстан Президенты Рөстәм Миңнеханов карары буенча 2020 елда старт алды. Узган ике елда Казанда мәйданы 1,5 млн кв. метр булган асфальт-бетон өслекле 890 йорт ишегалды төзекләндерелде.

Ишегалдын төзекләндерү мәсьәләләре яки программа буенча тәүлек буе эшли торган +7(800)275-20-20 кайнар линия телефоны буенча мөрәҗәгать итәргә мөмкин. Сораулар шулай ук Telegram-ботта кабул ителә.

Шулай ук укыгыз

Барлык яңалыклар