Яңалыклар
09.06.2022, 14:03
«Крылья Советов» паркында «КультТорг»: әйберләр белән алмашу, икенчел чимал җыю һәм Соцгород буенча экскурсияләр
Акыллы куллану фестивале 18 нче июньдә узачак.
Фото: Казан шәһәре KZN.RU
(Казан шәһәре KZN.RU, 9 нчы июнь). 18 нче июнь көнне «Крылья Советов» паркында акыллы куллану фестивале узачак. Килүчеләрнең әйберләр сатып алу, аларны алмашу, квестта катнашу, икенчел чималны эшкәртүгә тапшыру мөмкинлеге булачак.
Чарада киелгән кием, аяк киеме, аксессуарлар, интерьер әйберләре, яшел үсемлекләр маркеты һәм гөлләр свопы, эшкәртү өчен вак фракцияләр җыю, хәйрия һәм эшкәртү өчен кием-салым кабул итү, ирекле алмашу маркеты, призлар белән экологик квест, Соцгород буенча экскурсияләр, лекцияләр һәм мастер-класслар планлаштырылган.
«КультТорг» 12:00 сәгатьтә башлана һәм 19:00 сәгатькә кадәр дәвам итәчәк, дип хәбәр ителә фестивальнең «Вконтакте» төркемендә.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
