Казанда «Урам» экстрим-паркының икенче өлеше ачылуга әзерләнә

ТР Дәүләт төзелеш күзәтчелеге төзелә торган яшьләр үзәгенә йомгаклау тикшерүе үткәрә.

Фото: Денис Гордийко

(Казан шәһәре KZN.RU, 9-нчы август). ТР Дәүләт төзелеш күзәтчелеге «Урам» яшьләр үзәгенең ел әйләнәсе ябык булачак экстрим-паркын йомгаклау тикшерүен үткәрә.

Проект буенча паркның ябык өлеше якынча 260 кешегә исәпләнгән ике катлы бина булачак, шул исәптән техник хезмәткәрләр, спортчылар һәм тамашачыларны кертеп. Беренче катта тренировкалар өчен заллар, универсаль спорт залы һәм экстремаль спорт төрләре өчен зал урнашачак. Икенче катта, офис бүлмәләреннән тыш, бию залы һәм медиатека урнашачак. Бинаны үз медицина блогы белән җиһазландырачаклар. Моннан тыш, автотранспорт кую урыны да каралган, дип хәбәр ителә ТР Дәүләт төзелеш күзәтчелеге инспекциясе сайтында.

Объектның техник заказчысы – «ТР Баш инвестиция-төзелеш идарәсе» ДКУ. Экс-паркның ябык өлешен төзүгә тендерны «Евростройхолдинг+» ҖЧҖ откан. Йомгаклау тикшерүе тәмамлангач, кисәтүләр булмаганда, капиталь төзелеш объектына проект документациясенең туры килүе турында йомгак биреләчәк.

Исегезгә төшерәбез, «Урам» экстрим-паркының беренче өлеше Миллениум күпере астында бер ел элек, 30-нчы августта ачылды. Территориядә стритбол мәйданчыгы, паркура һәм воркаут өчен мәйданчыклар, ике памп-трек һәм скейт-парк бар. Проект Казансу ярын төзекләндерү концепциясе кысаларында тормышка ашырыла.

Шулай ук укыгыз

Барлык яңалыклар