«Игелекле Казан канатлары»: Ленин исемендәге мәдәни-ял итү комплексында сәламәтлеге чикле балалар һәм яшүсмерләр өчен анимация эшләре күрсәтелә

Мультимедиа программасын «Юмарт Чәк-чәк» акциясе кысаларында оештыралар

Денис Гордийко фотосы

Бүген, 8 декабрь көнне, Ленин исемендәге мәдәни-ял итү комплексының кинозалында «Игелекле Казан канатлары» үзәгендә шөгыльләнүче сәламәтлеге чикле балалар һәм яшүсмерләр тарафыннан булдырылган мультфильмнар күрсәтеләчәк. Чараны «Юмарт Чәк-чәк» акциясе кысаларында «Игелекле Казан» автоном коммерцияле булмаган оешмасы үткәрә.

Кунакларга ун кыска новелла рәвешендә «Юмарт Чәк-чәк» авторлык анимация сериалы премьерасын, шулай ук ком анимациясе жанрында «Ел фасыллары» һәм «Канатлар» эшләрен, «Канатлы әкиятләр» блогын тәкъдим итәчәкләр.

Чарада башка мультимедиа проектлары да – үзенчәлекле балалар үзләрен камера алдында һәм кадр артында сынап караган блоклар, махсус репортажлар һәм төрле форматлар тәкъдим ителәчәк.

«Игелекле Казан» автоном коммерцияле булмаган оешмасы матбугат хезмәте хәбәр иткәнчә, программа кысаларында шулай ук үзәктә шөгыльләнүчеләр турында документаль фильм: иҗади мохитнең ярдәме, кабул ителүе һәм көче турындагы тарих күрсәтеләчәк.

Чара Копылов урамы, 2а йорты адресы буенча уздырыла.

«Юмарт Чәк-чәк» акциясе кысаларында оештырылучы кичә 15:00 сәгатьтә башлана.

Алдарак Казанның «Тылсым» балалар инклюзив үзәгенең «Мы вместе/Без бергә» халыкара премиясенең «Мәрхәмәт коды» номинациясендә җиңүче булуы турында хәбәр ителгән иде.

Шулай ук укыгыз

Барлык яңалыклар