Костюмлы кичә һәм «Изумрудное» күленә сәфәр: Казанның яшүсмерләр клубларында бушлай чаралар оештырыла

Кайбер дәресләргә алдан теркәлү кирәк

Казанның яшүсмерләр клубларында бу атнада иҗади бушлай чаралар җәелдереләчәк. Яшь шәһәрлеләрне костюмлы кичәгә, «Изумрудное» күленә кадәр сәфәргә, урам биюләре һәм өстәл теннисы буенча мастер-класска чакыралар.

Пастель белән рәсем ясау буенча мастер-класс 18 июньдә «Ника» клубында (Восстания урамы, 59) оештырыла. Балаларны табигать курнешен сурәтләү һәм натюрмортлар ясарга өйрәтәчәкләр, кушылырга теләүчеләрне 16:00 да көтәчәкләр. Шул ук көнне 18:00 сәгатьтә «Борыч» клубында (Ямашев пр., 54/3) шәмдәлләр ясау дәресе оештырыла.

19 июньдә, пәнҗешәмбе көнне, «Яшьлек» клубында (Годовиков ур., 16) урам биюләре буенча мастер-класс була. Кушылырга теләүчеләрне 14:30 да көтәчәкләр. Телефоннар өчен чехолларда рәсем ясау дәресе шул ук көнне 17:00 сәгатьтә «Юни» клубында (Горький шоссесы, 43/1) үткәреләчәк. Катнашу өчен +7(987)288-08-10 телефоны буенча теркәлү узарга кирәк.

График дизайн нигезләренә балалар 20 июньдә 13:00 сәгатьтә «Зенит» клубында (Карбышев урамы, 33) дәрестә өйрәнә алачак. Шул ук көнне 16:00 сәгатьтә «Ритм» клубында (Кутузов урамы, 10а) катнаш техникада рәсем ясау буенча мастер-класс узачак. Егетләр үз костюмнарын 18:00 сәгатьтә «Лада» клубында (Гаврилов урамы, 22) косплей-кичәдә күрсәтә алачак.

Өстәл теннисы буенча мастер-класста яшь шәһәрлеләргә уен күнекмәләрен камилләштерергә, шулай ук туп бирүнең яңа техникаларын үзләштерергә ярдәм итәчәкләр. Дәресләр 21 июньдә 19:00 сәгатьтә «Союз» клубында (Моторная урамы, 31а) узачак.

Якшәмбе көнне, 22 июньдә, «Витамин» клубыннан «Изумрудное» күленә кадәр сәфәр булачак (Державин урамы, 3к3). Теркәлү +7(927)031-66-94 телефоны аша алып барыла. Старт 10:00 да, дип хәбәр иттеләр «Яшүсмер» МБУда.

Шулай ук укыгыз

Барлык яңалыклар