KZN.RU порталы хәбәрчеләре «ММЧ көзгесе күренешендә шәһәр – 2025» XIV Башкалалар һәм эре шәһәрләрнең халыкара ассамблеясе Халыкара конкурсы лауреатлары булдылар

Җиңүчеләрне бүләкләү Мәскәүдә «Бергә җиңдек!» халыкара конференциядә узды

Фото: KZN.RU Казан шәһәре

KZN.RU порталы хәбәрчеләре «ММЧ көзгесе күренешендә шәһәр – 2025» XIV Башкалалар һәм эре шәһәрләрнең халыкара ассамблеясе Халыкара конкурсы лауреатлары исемлегенә керделәр. Проектта БДБның 4 иленнән 30дан артык шәһәр журналистлары катнашты. Җиңүчеләрне бүләкләү «Бергә җиңдек!» халыкара конференциядә Мәскәү Милләтләр йортында узды.

Хәбәрче Карина Хуҗеева «Киләчәкне бергә төзибез!» номинациясендә II дәрәҗә диплом белән бүләкләнде. Ул «И.Метшин: «Сезнең һәрберегез дуслык илчесе, сез – үз халкыгызның күркәм вәкилләре» материалын тәкъдим итте.

Өлкән хәбәрче Анна Садаева берничә басмасы белән «Мин акыллы шәһәрдә яшим!» номинациясендә I дәрәҗә дипломга лаек булды:

«И.Метшин яңа поликлиника турында: «Сәламәтлек саклау сарае» масштаблары һәм җиһазлану дәрәҗәсе белән таң калдыра»;

«Илсур Метшин: «Мондый инициативалы казанлыларның күбрәк булуын телим»;

«Әмирхан урамындагы ишегалдында этләр өчен Казанда беренче булган махсус заманча киңлек барлыкка килде».

Конкурсны һөнәри һәм иҗтимагый берләшмәләр ярдәмендә БДБ башкалалары һәм эре шәһәрләренең халыкара ассамблеясе үткәрә. Быел эшләр шәһәрара хезмәттәшлеккә, «акыллы» шәһәрләрне үстерүгә, матбугат хезмәтләре эшчәнлегенә, тарихи хәтерне һәм мәдәни дипломатияне саклауга багышланган биш номинациядә бәяләнде: «Киләчәкне бергә төзибез!», «Мин акыллы шәһәрдә яшим!», «Матбугат хезмәте хәбәр итә...», Бөек Ватан сугышында Җиңүнең 80 еллыгына багышланган «Хәтерлибез һәм горурланабыз!», «Шәһәр. Сәнгать. Дипломатия» номинацияләре.

KZN.RU хәбәрчеләрнең җиңүләре Казан журналистларының шәһәр мөмкинлекләрен һәм Татарстан башкаласын уңайлырак һәм заманчарак итә торган үзгәрешләрне яктыртуга керткән өлешләрен тану булды.

2025 ел өчен KZN.RU порталында 4,5 меңнән артык материал бастырылган, шуларның өч меңе – алыштыргысыз автор эчтәлеге. 2025 ел йомгаклары буенча KZN.RU порталында 1,5 млн кулланучы булга, 2,7 млн кереп карау һәм 6,5 млн мәкаләләрне уку теркәлгән. Порталны искә алу бер ел эчендә массакүләм мәгълүмат чараларында һәм ТГ каналларында 3,2 меңнән артып китте.

Шулай ук укыгыз

Барлык яңалыклар