Тәүлек эчендә коронавирус инфекциясе 184 татарстанлыда расланды

Авыручылар арасында – 112 казанлы.

Фото: Денис Гордийко

(Казан шәһәре KZN.RU, 2-нче ноябрь). Татарстанда 184 яңа COVID-19 белән авыру очрагы теркәлгән, барысы да элемтә аша. 55 кеше хастаханәгә озатылган, 129-ы өйдә дәвалана.

Авыручылар арасында – 112 Казан кешесе, 21 кеше – Яр Чаллыдан, 6 кеше – Лаеш районыннан, 5 кеше – Бөгелмә районында, дүртәр кеше – Алабуга, Лениногорск һәм Түбән Кама районнарында, өчәр кеше – Биектау, Зәй һәм Чистай районнарында, икешәр кеше – Аксубай, Әлмәт, Нурлат, Саба һәм Тукай районнарында, берәр кеше – Азнакай, Актаныш, Әлки, Югары Ослан, Мамадыш, Минзәлә, Питрәч, Спас һәм Чирмешән районнарында.

2-нче ноябрьгә Татарстанда 31 мең 144 СОVID-19 йоктыру очрагы теркәлгән. Пандемиянең бөтен чорында 25 мең 497 кеше савыккан, шул исәптән 153 – узган тәүлектә. Барлыгы 1 млн 603 мең 973 кеше вакцинацияләнгән (тәүлеккә үсеш – 25 мең 620 кеше), шуларның 1 млн 43 мең 594 кеше икенче прививка алган.

Федераль оператив штаб мәгълүматы буенча, Россиядә тәүлеккә 39 мең 8 яңа авыру очрагы теркәлгән. Барлыгы илдә 8 млн 593 мең 200 кеше авырган, 7 млн 412 мең 631 кеше сәламәтләнгән.

Исегезгә төшерәбез, коронавирустан прививканы поликлиникаларда гына түгел, ә вакцинациянең мобиль пунктларында да ясатырга мөмкин. Алар мәдәният учреждениеләрендә, сәүдә үзәкләрендә, кредит оешмаларында һәм башка урыннарда урнашкан. Адреслары һәм эш вакытлары KZN.RU порталында махсус бүлектә урнаштырылган.

Шулай ук укыгыз

Барлык яңалыклар