В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Россиядә бер тәүлек эчендә авыруның 6760 яңа очрагы теркәлгән.
(Казан шәһәре KZN.RU, 2-нче июль). Татарстанда соңгы тәүлектә коронавирус белән авыруның 39 яңа очрагы теркәлгән. Аларның 2 очрагы - читтән алып кайтылган, 37-се - контактлы. 5 авыручы хастаханәгә озатылган, 34 кеше өйдә дәвалана - аларның авыруы симптомсыз яки җиңел формада уза. Бу хакта брифингта ТР Президенты матбугат хезмәте җитәкчесе Лилия Галимова хәбәр итте.
Авыручылар арасында 2 балигъ булмаган бала бар, 7 кеше - 18 яшьтән 30 яшькә кадәр, 18 кеше - 30 яшьтән 50 яшькә кадәр, 8 кеше - 50 яшьтән 60 яшькә кадәр, 2-шәр кеше - 60 яшьтән 70 яшькә кадәр һәм 70 яшьтән 80 яшькә кадәр.
21 кеше - Казанда, 6-сы - Яр Чаллыда, 3 кеше - Лаеш районында, 2-се - Биектау районында һәм берәр авыру Аксубай, Баулы, Яшел Үзән, Яңа Чишмә, Норлат, Питрәч һәм Сарман районнарында яши.
2-нче июль мәгълүматлары буенча, Татарстанда COVID-19 белән авыруның 4634 очрагы теркәлгән, 3472 кеше сәламәтләнгән, шул исәптән 26-сы - соңгы тәүлектә. 1146 кеше әле дә дәвалану уза.
Федераль оператив штаб мәгълүматлары буенча, Россиядә бер тәүлек эчендә авыруның 6760 яңа очрагы теркәлгән. Шул рәвешле, илдә барлыгы 661 мең 165 кеше авырган. 428 мең 978 кеше савыккан, 9683 кеше үлгән.