В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Тәүлек эчендә Татарстанда СОVID-19 белән зарарлануның 35 яңа очрагы теркәлгән.
(Казан шәһәре KZN.RU, 9-нчы июль). Татарстанда соңгы тәүлек эчендә коронавирус белән авыруның 35 яңа очрагы ачыкланды, берсе - читтән алып керү очрагы, калганнары - контактлы. 4 авыру хастаханәгә озатылган, 31 кеше өйдә дәвалана, аларның авыруы симптомсыз яки җиңел формада уза.
Коронавирус инфекциясе таралуга каршы тору буенча республика оператив штабында хәбәр итүләренчә, авыручылар арасында бер балигъ булмаган бала, 18 яшьтән 30 яшькә кадәрге 3 кеше бар, 19 кеше - 30 яшьтән 50 яшькә кадәр, 6 кеше - 50 яшьтән 60 яшькә кадәр, 3 кеше - 60 яшьтән 70 яшькә кадәр, 2 кеше - 70-тән 80 яшькә кадәр һәм 90 яшьтән өлкәнрәк бер кеше.
Авыручыларның күпчелеге - 16 кеше - Казанда яши, 6 кеше - Түбән Кама районында, 4 кеше - Яшел Үзән районында, берәр кеше - Әгерҗе, Бөгелмә, Алабуга, Кайбыч, Кама Тамагы, Лениногорск, Питрәч һәм Саба районнарында.
9-нчы июльгә Татарстанда барлыгы 4893 COVID-19 авыруы теркәлгән, 3734 кеше сәламәтләнгән, шул исәптән 29-ы - узган тәүлектә.
Россиядә соңгы тәүлек эчендә коронавирус белән авыруның 6509 яңа очрагы теркәлгән. Шул рәвешле, илдә авыру очраклары саны 707 мең 301-гә җиткән. 481 мең 316 кеше терелгән, 10 мең 843 кеше үлгән.