Коронавирус тагын 82 татарстанлыда табылган

Тәүлек эчендә COVID-19 белән авырган 69 кеше сәламәтләнде.

Фото: Марат Мугинов

(Казан шәһәре KZN.RU, 8-нче февраль). Татарстанда 82 яңа COVID-19 белән зарарлану очрагы теркәлгән, шуларның берсе – читтән кертелгән, калганнары – элемтә аша. 29 кеше хастаханәгә озатылган, 53 кеше өйләрендә дәвалана.

Авыручылар арасында өч балигъ булмаган бала, 18 яшьтән 30 яшькә кадәрге 7 кеше бар, 20 кеше – 30-дан 50 яшькә кадәр, 15 кеше – 50-дән 60 яшькә кадәр, 20 кеше – 60 яшьтән 70 яшькә кадәр, 11 кеше – 70 яшьтән 80 яшькә кадәр һәм 6 кеше – 80 яшьтән 90 яшькә кадәр.

34 кеше – Казанда, 10 кеше – Чаллыда, 4 кеше – Яшел Үзән, Түбән Кама һәм Питрәч районнарында, 3 кеше – Буа, Югары Ослан, Биектау, Кукмара һәм Тукай районнарында, 2 кеше – Әгерҗе, Тәтеш һәм Чистай районнарында, берәр кеше Актаныш, Әлмәт, Балтач, Минзәлә һәм Ютазы районнарында яши.

8-нче февральгә Татарстанда 16 мең 720 COVID-19 йоктыру очрагы теркәлгән. Пандемиянең бөтен чорында 13 мең 227 кеше сәламәтләнде, шул исәптән 69 кеше – узган тәүлектә, дип хәбәр итә ТР Сәламәтлек саклау министрлыгының матбугат хезмәте.

Республикада коронавирустан 21 мең 245 кеше вакциналашкан (үсеш – 1375 кеше), шулардан икенче дозаны 5284 кеше алган. 81 мең 122 комплект дозаның 26,2%-кулланылган.

Федераль оператив штаб мәгълүматы буенча, Россиядә бер тәүлек эчендә 15 мең 916 яңа авыру очрагы теркәлгән. Барлыгы илдә 3 млн 983 мең 197 кеше авырган, 3 млн 472 мең 91 кеше сәламәтләнгән, 77 мең 68 кеше үлгән.

Шулай ук укыгыз

Барлык яңалыклар