Концертлар, мастер-класслар һәм күргәзмәләр: Киров һәм Мәскәү районнарында Әниләр көне билгеләп үтеләчәк

Бәйрәм программасы шәһәрнең мәдәният оешмаларында ачылачак

Казанның Киров һәм Мәскәү районнарында Әниләр көненә багышланган бәйрәм чаралары узачак.

Бәйрәмне шәһәр мәдәният оешмаларында билгеләп үтәчәкләр, дип хәбәр итә район матбугат хезмәте. 22 ноябрьдә «Кызыл тау» мәдәният йортында шәһәр халкы һәм кунаклары өчен концерт булачак. Чара 18:00 сәгатьтә башлана.

Шул ук көнне 9:00 дан теләүчеләрне Железнодорожниклар мәдәният йортында мастер-классларга көтәләр. Катнашу өчен +7(843) 590-09-35 номеры буенча язылырга кирәк. Шулай ук монда 18:30 да бәйрәм концерты узачак.

«Әниләр һәм бәбиләр» спектаклен 23 ноябрьдә «Залесный» мәдәни үзәгендә күрсәтәчәкләр. Башлана – 18:00 сәгатьтә. Чара түбәндәге адрес буенча узачак: Осиновский тык.,8.

25 ноябрьдә «Залесный» мәдәни үзәгендә «Әни һәрчак булсын» бәйрәм концерты ачылачак. Башлана – 17:00 сәгатьтә.

«Әни өчен» рәсемнәр күргәзмәсен «Яшьлек» мәдәният йортында оештыралар. Яшь шәһәр халкының иҗатын 9:00 дан 18:00 гә кадәр Химиклар урамы, 11 адресы буенча күрергә мөмкин.

Шулай ук «Кызыл тау» мәдәният йортында 30 ноябрьгә кадәр «Әни тавышы» сәнгать эшләре күргәзмәсе эшләячәк. Чарага Идел буе урамы, 97нче йорт адресы буенча килергә мөмкин.

Исегезгә төшерәбез, Әниләр көненә Казанда «Рәхмәт, әни!» проекты старт ала. Шәһәр билбордларында ТР башкаласында яшәүчеләрнең 50 котлавын урнаштырачаклар. Билбордларда котлауларны 24 ноябрьдә күрә алачаклар.

Шулай ук укыгыз

Барлык яңалыклар